ହଂକଂ,୨୮ା୫(ଆଇଏଏନ୍ଏସ୍): ହଂକଂରେ ଚାଇନାର ଜାତୀୟ ସଙ୍ଗୀତକୁ ଅସମ୍ମାନ କଲେ ତାହା ଅପରାଧ ବିବେଚିତ। ଏଭଳି ଉଦ୍ଦେଶ୍ୟ ନେଇ ଲେଜିସ୍ଲେଟିଭ୍ କାଉନ୍ସିଲରେ ଏକ ବିଲ୍ ଉପସ୍ଥାପନ ପୂର୍ବରୁ ଅର୍ଦ୍ଧସ୍ବୟଂଶାସିତ ସହର ହଂକଂରେ ବିବାଦ ସୃଷ୍ଟି ହୋଇଛି। ଏହାକୁ ବିରୋଧ କରି ବୁଧବାର ବହୁସଂଖ୍ୟକ ଯୁବତୀଯୁବକ ରାସ୍ତାକୁ ଓହ୍ଲାଇ ବିକ୍ଷୋଭ ପ୍ରଦର୍ଶନ କରିଛନ୍ତି। ହଂକଂ ପୋଲିସ ଅନେକ ବିକ୍ଷୋଭକାରୀଙ୍କୁ ଗିରଫ କରିଛି। ଇତିମଧ୍ୟରେ ଅନେକ ବିକ୍ଷୋଭକାରୀ ସୋସିଆଲ ମିଡିଆରେ ଏକ ମେସେଜ୍ ପୋଷ୍ଟ କରି ମୋବାଇଲ୍ରେ ଅନ୍ୟମାନଙ୍କ ନିକଟକୁ ପଠାଇଛନ୍ତି। ସେଥିରେ ଲେଜିସ୍ଲେଟିଭ୍ କାଉନ୍ସିଲକୁ ଯାଇ ବିଲ୍ ବିରୋଧରେ ପ୍ରତିବାଦ ଜଣାଇବା ପାଇଁ ଅନୁରୋଧ କରାଯାଇଛି।
