ବଇଣ୍ଡା,୧୭।୫(ଡି.ଏନ.ଏ.)-ଆଠମଲ୍ଲିକ ବ୍ଲକ ଠାକୁରଗଡ଼ ତଥା ଆଖପାଖ ଅଞ୍ଚଳରେ ଗୁରୁବାର ସାରେ ଝଡ଼ତୋଫାନ ସହ ପ୍ରବଳ ବର୍ଷା ହୋଇଥିଲା। ଫଳରେ ଠାକୁରଗଡ଼ ମଇମୁରା ରାସ୍ତାର ଶିବ ମନ୍ଦିର ନିକଟରେ ଥିବା ଏକ ଆମ୍ବଗଛ ଭାଙ୍ଗିଯିବାରୁ ଠାକୁରଗଡ଼-ମଇମୁରାକୁ ଯୋଗଯୋଗ ବିଚ୍ଛିନ୍ନ ହୋଇପଡ଼ିଥିଲା। ଶୁକ୍ରବାର ସକାଳେ ସ୍ଥାନୀୟ ଗ୍ରାମବାସୀ ରାସ୍ତାରେ ପଡ଼ିଥିବା ଗଛକୁ ଜେସିବି ମେଶିନ ଦ୍ୱାରା ରାସ୍ତାରୁ ହଟାଇବାପରେ ଗମନାଗମନ ସ୍ବାଭାବିକ୍ ହୋଇଥିଲା। ଏହି ବର୍ଷାରେ ବିଭିନ୍ନ ପନିପରିବା ଚାଷ ନଷ୍ଟ ହେବା ସହ କେତେକ ଚାଳ ଘର ମଧ୍ୟ ଉଡ଼ିଯାଇଛି। ତୁରନ୍ତ କ୍ଷତିଗ୍ରସ୍ତଙ୍କୁ ଚିହ୍ନଟ କରି ସରକାରୀ ସାହାଯ୍ୟ ଯୋଗାଇ ଦେବା ପାଇଁ ସାଧାରଣରେ ଦାବି ହୋଇଛି।
