ସରଣ୍ଡା,୧୭।୪(ଡି.ଏନ.ଏ): ଲକ୍ଡାଉନ୍ କଟକଣା ଯୋଗୁ ବରଗଡ଼, ସମ୍ବଲପୁର ଓ ଢେଙ୍କାନାଳ ଅଞ୍ଚଳର ୪୩ ତୀର୍ଥଯାତ୍ରୀ ବନାରସରେ ଫସି ରହିଥିଲେ। ତେବେ ଗୁରୁବାର ରାତିରେ ସେମାନେ ଏକ ବସ୍ ଯୋଗେ ଅତାବିରାରେ ପହଞ୍ଚିଥିଲେ। ପ୍ରଶାସନ ପକ୍ଷରୁ ସେମାନଙ୍କୁ ଅତାବିରାସ୍ଥିତ ଆନନ୍ଦ ମଣ୍ଡପରେ କ୍ବାରାଣ୍ଟାଇନରେ ରଖାଯାଇଛି। ସେମାନଙ୍କ ମଧ୍ୟରେ ୧୯ ପୁରୁଷ ଏବଂ ୨୪ଜଣ ମହିଳା ହୋଇଥିବାବେଳେ ଅତାବିରା ବ୍ଲକର ୨୨, ବରଗଡ଼ ବ୍ଲକର ୧୧, ଭେଡ଼େନ ବ୍ଲକର ୭, ଢେଙ୍କାନାଲର ଜଣେ ଏବଂ ସମ୍ବଲପୁରର ୨ଜଣ ଅଛନ୍ତି । ବର୍ତ୍ତମାନ ସମସ୍ତେ କ୍ବାରାଣ୍ଟାଇନରେ ଅଛନ୍ତି ଏବଂ ସମସ୍ତଙ୍କ ପାଇଁ ଖାଇବା, ପିଇବା ଆଦି ସୁବିଧା କରାଯାଇଥିବା ଅତାବିରା ତହସିଲଦାର ହୃଦାନନ୍ଦ ଅଡ଼ା କହିଛନ୍ତି ।
