ନଟିଂହାମ,୧୮।୫(ଏଏଫ୍ପି)- ବିଶ୍ୱକପ୍ ଆରମ୍ଭ ହେବାକୁ ଆଉ ମାତ୍ର କିଛି ସପ୍ତାହ ବାକି ଥିବା ବେଳେ ର୍ପୂବରୁ ପାକିସ୍ତାନ ଯୁବ ତାରକା ବ୍ୟାଟ୍ସମ୍ୟାନ ତଥା ଓପନର ଇମାମ- ଉଲ-ହକ ଆହତ ହୋଇଛନ୍ତି। ଶୁକ୍ରବାର ଅନୁଷ୍ଠିତ ଇଂଲଣ୍ଡ ବିପକ୍ଷ ଚତୁର୍ଥ ଦିନିକିଆ ମ୍ୟାଚ୍ରେ ଇମାମ ବ୍ୟାଟିଂ କରୁଥିବା ବେଳେ ଦ୍ରୁତ ବୋଲର ମାର୍କ ଉଡଙ୍କ ବଲ୍ ତାଙ୍କ କହୁଣିରେ ବାଜିଥିଲା। ଚତୁର୍ଥ ଓଭରରେ ବ୍ୟାଟିଂ କରୁଥିବା ବେଳେ ଘଣ୍ଟାପ୍ରତି ୮୯ ମାଇଲ ବେଗ୍ରେ ଆସୁଥିବା ଉଡ୍ସଙ୍କ ବଲ୍କୁ ସେ ପୁଲ୍ କରିବାକୁ ପ୍ରୟାସ କରିଥିଲେ। ତେବେ ବଲ୍ ତାଙ୍କ ବ୍ୟାଟ୍ ନ ବାଜି କହୁଣିରେ ବାଜିଥିଲା ଓ ସେ ଆହତ ହୋଇଥିଲେ। ବ୍ରିଷ୍ଟଲ ତୃତୀୟ ଦିନିକିଆରେ ୨୩ ବର୍ଷୀୟ ଇମାମ କ୍ୟାରିୟର ଶ୍ରେଷ୍ଠ ୧୫୧ ରନର ବୃହତ୍ ଶତକୀୟ ପାଳି ଖେଳିଥିଲେ। ପୂର୍ବତନ ଅଧିନାୟକ ଇଞ୍ଜାମାମ ଉଲ୍ ହକ୍ଙ୍କ ଭଣଜା ଇମାମ୍ ବିଶ୍ୱକପ୍ରେ ପାକିସ୍ତାନର ମୁଖ୍ୟ ଅସ୍ତ୍ର ହେବେ ବୋଲି ଆଶା କାରଯାଉଛି। ବିଶ୍ୱକପ୍ ଆୟୋଜକ ତଥା ହଟ୍ ଫେଭରାଇଟ୍ ବିବେଚିତ ହେଉଥିବା ଇଂଲଣ୍ଡ ଚଳିତ ପାକିସ୍ତାନ ବିପକ୍ଷ ୫ ମ୍ୟାଚ୍ ବିଶିଷ୍ଟ ସିରିଜରେ ୨-୦ରେ ଅଗ୍ରଣୀ ରହିଛି।
