ମୁମ୍ବାଇ: ବଲିଉଡ୍ ନାୟିକା ତଥା ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲିଙ୍କ ଧର୍ମପତ୍ନୀ ଅନୁଷ୍କା ଶର୍ମା ୩୨ ବର୍ଷରେ ପଦାର୍ପଣ କରିଛନ୍ତି। କରୋନା ଭାଇରସ ଯୋଗୁ ଦେଶରେ ଲକ୍ଡାଉନ ଚାଲିଥିବାରୁ ତାଙ୍କ ଜନ୍ମଦିନ ଧୁମ୍ଧାମ୍ରେ ପାଳନ କରାଯାଉ ନ ଥିବା ବେଳେ ତାଙ୍କ ଭାଇ କିନ୍ତୁ ଭଉଣୀ ଅନୁଷ୍କାଙ୍କୁ ଭିନ୍ନ ଢଙ୍ଗରେ ଜନ୍ମଦିନର ଶୁଭେଚ୍ଛା ଜଣାଇଛନ୍ତି ଯାହା ସମସ୍ତଙ୍କ ଦୃଷ୍ଟି ଆକର୍ଷଣ କରିଛି। ସୋସିଆଲ ମିଡିଆରେ ଅନୁଷ୍କାଙ୍କ ଭାଇ କରନେଶ ଶର୍ମା ଭଉଣୀଙ୍କ ପିଲାଦିନର କିଛି ଫଟୋ ଶେୟାର କରି ତାଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି। କିଛି ଫଟୋରେ ଭାଇ ଭଉଣୀ ଉଭୟ ନଜର ଆସିଛନ୍ତି। ଏହି ଫଟୋ ଶେୟାର କରିବା ସହ କରନେଶ ଲେଖିଛନ୍ତି, ‘ହାପି ବାର୍ଥ ଡେ’ ଅନୁଷ୍କା, ଅପନେ ଅନ୍ଦର କେ ବଚ୍ଚେ କୋ ହମେଶା ଜିନ୍ଦା ରଖୋ’। ଅନୁଷ୍କାଙ୍କ ୩୨ ତମ ଜନ୍ମଦିନରେ ବଲିଉଡ୍ ସହ ଅନ୍ୟମାନେ ମଧ୍ୟ ସୋସିଆଲ ମିଡିଆ ମାଧ୍ୟମରେ ତାଙ୍କୁ ଶୁଭେଚ୍ଛା ଜଣାଇଛନ୍ତି।
