ନୂଆଦିଲ୍ଲୀ, ୨୧।୭: ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ଶୀଲା ଦୀକ୍ଷିତଙ୍କ ଶେଷକୃତ୍ୟ ସମ୍ପନ୍ନ ହୋଇଛି। ଏହାପୂର୍ବରୁ ବହୁ ମାନ୍ୟଗଣ୍ୟ ବ୍ୟକ୍ତି କଂଗ୍ରେସ ମୁଖ୍ୟାଳୟରେ ପହଞ୍ଚି ତାଙ୍କ ପାର୍ଥିବ ଶରୀର ଶେଷଦର୍ଶନ କରିଥିଲେ। ଏହି ଅବସରରେ ୟୁପିଏ ସଭାପତି ସୋନିଆ ଗାନ୍ଧୀ ଏବଂ ପ୍ରିୟଙ୍କା ଭଦ୍ର ପହଞ୍ଚି ତାଙ୍କୁ ଅନ୍ତିମ ଶ୍ରଦ୍ଧାଞ୍ଜଳି ଜଣାଇଥିଲେ। ଶୀଲା ଦୀକ୍ଷିତ୍ କେବଳ କଂଗ୍ରେସ ନେତ୍ରୀ ନ ଥିଲେ ସେ ମୋ ବଡ ଭଉଣୀ ପରି ଥିଲେ ବୋଲି କହିଛନ୍ତି ସୋନିଆ। ରାଜନୀତିଠାରୁ ଆମ ସମ୍ପର୍କ ଊର୍ଦ୍ଧ୍ୱରେ ଥିଲା। ତାଙ୍କ ପରଲୋକ କଂଗ୍ରେସ ପାଇଁ ଶକ୍ତ ଧକ୍କା ବୋଲି ସେ କହିଛନ୍ତି। ସୂଚନାଯୋଗ୍ୟ, ରାଜୀବ ଗାନ୍ଧୀ ପ୍ରଧାନମନ୍ତ୍ରୀ ଥିବା ସମୟରେ ଶୀଲା କ୍ୟାବିନେଟ୍ ମନ୍ତ୍ରୀ ଭାବେ କାର୍ଯ୍ୟ ତୁଲାଇଥିଲେ। ପରେ ତାଙ୍କୁ ଦ୍ୱିଲ୍ଲୀ କଂଗ୍ରେସ ଦାୟିତ୍ୱ ଦିଆଯାଇଥିଲା।
