ଦାରିଙ୍ଗବାଡି,୨୯ ।୧୨(ଅରୁଣ ସାହୁ): କନ୍ଧମାଳ ଜିଲା ଦାରିଙ୍ଗବାଡି ଅଞ୍ଚଳ ସୌନ୍ଦର୍ଯ୍ୟର ଗନ୍ତାଘର। ପର୍ଯ୍ୟଟନକ୍ଷେତ୍ର ରହିଥିବାରୁ ଦୈନିକ ଶହତଶହ ପର୍ଯ୍ୟଟକ ଦାରିଙ୍ଗବାଡିକୁ ବୁଲିବାକୁ ଆସୁଛନ୍ତି। ହେଲେ ଉକ୍ତ ଅଞ୍ଚଳରେ ଯେଉଁ ସବୁ ପର୍ଯ୍ୟଟନ କ୍ଷେତ୍ର ରହିଛି ସେଗୁଡିକ ମଧ୍ୟରେ ଜଳପ୍ରପାତ ଗୁଡିକ ପର୍ଯ୍ୟଟକଙ୍କୁ ବହୁତ ଆକୃଷ୍ଟ କରୁଛି । କିରିକୁଟି ଲଭର୍ସ ପଏଣ୍ଟ ହେଉ କି ମିଡିୟୁାନ୍ଦା ଏବଂ କିଶୁବାଡିଠାରେ ରହିଥିବା ପାଟାବାନ୍ଧା ଜଳପ୍ରପାତ ସବୁ ପର୍ଯ୍ୟଟକଙ୍କ ମନ ପସନ୍ଦର ଜଳପ୍ରପାତ। ହେଲେ ଏହି ସବୁ ଜଳପ୍ରପାତକୁ ଯିବା ପାଇଁ ପକ୍କା ରାସ୍ତା ଟିଏ ନାହିଁ ଫଳରେ ଲଘୁଚାପ ବର୍ଷାରେ ସମସ୍ତ ରାସ୍ତାର ନକ୍ସା ବଦଳିଯାଇଛି କାଦୁଅରେ ପର୍ଯ୍ୟଟକ ଯାତାୟାତ କରୁଛନ୍ତ। ଲଭର୍ସ ପଏଣ୍ଟର ୮ ଶହ ମିଟର ରାସ୍ତା ସମେତ ମିଡିୟୁାନ୍ଦା ଜଳପ୍ରପାତ ରାସ୍ତାର ୫ ଶହ ମିଟର ଏବଂ କିସୁବାଡ଼ି ଜଳପ୍ରପାତର ପ୍ରାୟ ୩ ରୁ ୪ କିମି ରାସ୍ତାର ଅବସ୍ଥା ଶୋଚନୀୟ ହୋଇପଡିଛି। ଏହି ସବୁ ଜଳପ୍ରପାତ ବୁଲିବା ପାଇଁ ପର୍ଯ୍ୟଟକଙ୍କଠାରୁ ଟିକେଟ ସଂଗ୍ରହ କରାଯାଇ ଲକ୍ଷାଧିକ ଟଙ୍କା ଅର୍ଥ ରୋଜଗାର କରାଯାଉଥିବା ବେଳେ ସେହି ଅନୁପାତରେ ରାସ୍ତା ପକ୍କା ନିର୍ମାଣ କିମ୍ବା ମରାମତିରେ ଖର୍ଚ୍ଚ କରାଯାଉନାହିଁ ଫଳରେ ବରିଷ୍ଠ ନାଗରିକ ପର୍ଯ୍ୟଟକ ହୁଅନ୍ତୁବା ଶିଶୁ ପର୍ଯ୍ୟଟକ କିମ୍ବା ମହିଳା ପର୍ଯ୍ୟଟକମାନେ କଚ୍ଚା ରାସ୍ତାରେ ପଅସୁବିଧା ଭୋଗୁଛନ୍ତି। ଏଥିପ୍ରତି ଜିଲା ପ୍ରଶାସନ ଓ ସ୍ଥାନୀୟ ପ୍ରଶାସନ ଗୁରୁତ୍ୱ ଦେବାକୁ ପର୍ଯ୍ୟଟକ ମାନେ ନିବେଦନ କରୁଛନ୍ତ।ଏବେ ଦୈନିକ ହଜାର ସଂଖ୍ୟାରେ ପର୍ଯ୍ୟଟକ ଦାରିଙ୍ଗବାଡି ଆସି ଏଭଳି ଅବସ୍ଥା ଦେଖି ନିରାଶ ହେବା ସହ ଅସନ୍ତୋଷବ୍ୟକ୍ତ କରୁଛନ୍ତି।
