ମୁମ୍ବାଇ: ୯୦ ଦଶକରେ ପରଦାକୁ ଆସିଥିବା ଅଧିକାଂଶ ଫିଲ୍ମ ଏବେବି ଦର୍ଶକଙ୍କ ମନରେ ଅଭୁଲା ହୋଇ ରହିଛି। ମାଧୁରୀ ଦିକ୍ଷିତ ଓ ସଞ୍ଜୟ ଦତ୍ତଙ୍କ ଷ୍ଟାର କାଷ୍ଟରେ ପରଦାକୁ ଆସିଥିବା ଫିଲ୍ମ ‘ସାଜନ’ ମଧ୍ୟ ଏବେବି ତା’ର ଏକ ସ୍ବତନ୍ତ୍ର ପରିଚୟ ବହନ କରେ। ଏବେ ଏହି ହିଟ୍ ଫିଲ୍ମର ହିଟ୍ ଗୀତ ‘ମେରା ଦିଲ୍ ଭି କିତ୍ନା ପାଗଲ ହୈ’ର ରିମେକ୍ ତିଆରି ହୋଇଛି। ଆଉ ଏହା ଆସୁ ଆସୁ ଧମାଲ୍ ମଚାଇଲାଣି। ୨୭ ବର୍ଷ ତଳର ଏହି ଗୀତ ଆଜିବି ଦର୍ଶକଙ୍କୁ ବେଶ୍ ପସନ୍ଦ ଆସିଛି। କାରଣ ଏହାର ରିମେକ୍ ସଙ୍ଗ୍କୁ ଏପର୍ଯ୍ୟନ୍ତ ୟୁଟ୍ୟୁବରେ ୨୭ ମିଲିୟନରୁ ଅଧିକ ଭିୟୁଜ ମିଳି ସାରିଲାଣି। ତେଣୁ ୯୦ ଦଶକର ଫିଲ୍ମ ସାଜନ ଆଜିବି ହିଟ୍ କହିଲେ କିଛି ଅତ୍ୟୁକ୍ତି ହେବ ନାହିଁ।