ଛେଣ୍ଡିପଦା,୧୭।୯(ସ୍ବ.ପ୍ର)-ଛେଣ୍ଡିପଦା ଥାନା ଜରପଡା ବନାଞ୍ଚଳ ବସନ୍ତପୁର ଗ୍ରାମରେ ଥିବା ଏକ ଖୋଲା କୂଅରେ ଏକ ବାରହା ଖସିପଡ଼ି ମଙ୍ଗଳବାର ମୃତ୍ୟୁବରଣ କରିଛି।
ବନବିଭାଗ ସୂତ୍ରରୁ ପ୍ରକାଶ, ବାରହାଟି ଖାଦ୍ୟ ଅନ୍ବେଷଣରେ ଆସି ବସନ୍ତପୁର ଗ୍ରାମ ଅଖ ବିଶ୍ବାଳଙ୍କ ଘର ପଛ ପଟେ ଥିବା କୂଅରେ ସୋମବାର ରାତିରେ ଖସି ପଡ଼ିଥିଲା। ସକାଳେ କୂଅରେ ବାରହା ପଡିଥିବା ଦେଖି ଅଖ ଜରପଡା ବନବିଭାଗକୁ ସୂଚନା ଦେଇଥିଲେ। ଖବରପାଇ ବନକର୍ମଚାରୀ ଘଟଣାସ୍ଥଳରେ ପହଞ୍ଚି ବାରହାକୁ ଉଦ୍ଧାର କରିବା ପୂର୍ବରୁ ତାର ମୃତ୍ୟୁ ଘଟିଥିଲା। ବନବିଭାଗ ମୃତଦେହ ଜବତ କରିବାସହ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଚଳାଇଛି।