୪ ଘଣ୍ଟା ହିସାବରେ ସବୁ ଘଣ୍ଟାରେ ୧୨ ପର୍ଯ୍ୟନ୍ତ ଅଙ୍କ ଥାଏ। କିନ୍ତୁ ଏମିତି ଏକ ଅଜବ ଘଣ୍ଟା ଅଛି ଯାହାର ନାହିଁ ୧୨ ଅଙ୍କ। ଉକ୍ତ ଘଣ୍ଟାରେ କେବଳ ୧୧ ପର୍ଯ୍ୟନ୍ତ ଅଙ୍କ ରହିଛି। ଘଣ୍ଟାଟି ସୁଇଜରଲାଣ୍ଡର ସୋଲୋଥର୍ନ ସହରରେ ଅଛି। ଉକ୍ତ ସହରର ଟାଉନ ସ୍କୋୟାର୍ରେ ଏହି ଘଣ୍ଟା ଅଛି, ଯାହାର ମାତ୍ର ୧୧ ପର୍ଯ୍ୟନ୍ତ ଅଙ୍କ ରହିଛି। ୧୨ ଅଙ୍କ ନାହିଁ। କେବଳ ଏହି ଘଣ୍ଟା ନୁହେଁ ଏଠାରେ ଆହୁରି ବି ଅନେକ ଘଣ୍ଟାରେ ୧୨ ଅଙ୍କ ନାହିଁ। ତେଣୁ ଏହି ଘଣ୍ଟାଗୁଡିକରେ ୧୨ଟା ବାଜି ନ ଥାଏ। ଏହି ସହର ଲୋକଙ୍କର ୧୧ ଅଙ୍କ ପ୍ରତି ବହୁତ ଭଲ ପାଇବା ରହିଛି। ତେଣୁ ଏଠାରେ ପ୍ରାୟ ସବୁ ଜିନିଷ ୧୧ ଡିଜାଇନ୍ ଭଳି ହୋଇଥାଏ। ଏଠାରେ ଥିବା ଚର୍ଚ୍ଚ ଓ ଚାପେଲର ସଂଖ୍ୟା ବି ୧୧-୧୧ ଅଟେ। ଏହାବ୍ୟତୀତ ଏଠାକାର ସଂଗ୍ରହାଳୟ, ଐତିହାସିକ ଟାଓ୍ବାର ବି ୧୧ଟି ଅଛି। ଏଠାକାର ସେଣ୍ଟ୍ ଉର୍ସୁସ୍ର ମୁଖ୍ୟ ଚର୍ଚ୍ଚରେ ୧୧ ନମ୍ବରର ମହତ୍ତ୍ୱ ଦେଖିବାକୁ ମିଳିଥାଏ। ଉକ୍ତ ଚର୍ଚ୍ଚ ୧୧ ବର୍ଷରେ ନିର୍ମାଣ ହୋଇଥିଲା। ଏଠାରେ ତିନୋଟି ଶିଡିର ସେଟ୍ ରହିଛି ଆଉ ପ୍ରତି ସେଟ୍ରେ ୧୧ଟି ପାହାଚ ଅଛି। ଏହାବ୍ୟତୀତ ଏଠାରେ ୧୧ଟି କବାଟ ଓ ୧୧ଟି ଘଣ୍ଟି ଅଛି। ଏଠାକାର ଲୋକ ୧୧ ନମ୍ବରକୁ ଏତେ ଭଲ ପାଆନ୍ତି ଯେ, ୧୧ତମ ଜନ୍ମଦିବସକୁ ଧୁମ୍ଧାମ୍ରେ ପାଳନ କରନ୍ତି। ଏହିଦିନ ଲୋକେ ୧୧ ନମ୍ବର ସହିତ ଜଡିତ ଉପହାର ବି ଦେଇଥାଆନ୍ତି। ବିଶ୍ୱାସ କରାଯାଏ ବହୁ ବର୍ଷ ପୂର୍ବେ ସୋଲୋଥର୍ନର ଲୋକେ ପରିଶ୍ରମ କରି ବି ଖୁସି ରହିପାରୁ ନ ଥିଲେ। ଦିନେ ପାହାଡରୁ କିଛି ଏଲ୍ଫ ଆସି ଲୋକଙ୍କ ଆତ୍ମବିଶ୍ୱାସ ବଢାଇଲେ। ଆଉ ଧୀରେ ଧୀରେ ସେମାନେ ଖୁସିରେ ରହିବାକୁ ଲାଗିଲେ। କୁହାଯାଏ ଏଲ୍ଫଙ୍କ ପାଖରେ ଅଲୌକିକ ଶକ୍ତି ଥିଲା ଓ ଜର୍ମାନ ଭାଷାରେ ଏଲ୍ଫର ଅର୍ଥ ହେଉଛି ୧୧। ସେବେଠାରୁ ଏଠାକାର ଲୋକେ ୧୧ ନମ୍ବରକୁ ଭଲ ପାଇ ଆସୁଛନ୍ତି।