ମେଲବୋର୍ନ, ୨୫।୧(ଏଏଫପି)- ଅଷ୍ଟ୍ରେଲିଆନ ଓପନ ପୁରୁଷ ସିଙ୍ଗଲ୍ସରେ ଶୁକ୍ରବାର ସିଡେଡ ଖେଳାଳିମାନେ ଚତୁର୍ଥ ରାଉଣ୍ଡରେ ପ୍ରବେଶ କରିଛନ୍ତି। ସୁଇଜରଲାଣ୍ଡର ଅଭିଜ୍ଞ ଖେଳାଳି ତୃତୀୟ ସିଡ୍ ରୋଜର ଫେଡରର ମାରାଥନ ୪-୬, ୭-୬, ୬-୪, ୪-୬, ୭-୬ ସେଟ୍ରେ ଅଷ୍ଟ୍ରେଲିଆର ଜନ୍ ମିଲମ୍ୟାନଙ୍କୁ ହରାଇ ଅଗ୍ରଗତି କରିଛନ୍ତି। ଚତୁର୍ଥ ରାଉଣ୍ଡରେ ସେ ହଙ୍ଗେରୀର ମାର୍ଟନ ଫୁକ୍ସୋଭିକ୍ସଙ୍କୁ ଭେଟିବେ। ମାଟର୍ନ ୬-୧,୬-୧,୬-୪ ସେଟ୍ରେ ଟୋମି ପଲ୍ଙ୍କୁ ହରାଇ ଚତୁର୍ଥ ରାଉଣ୍ଡରେ ପ୍ରବେଶ କରିଛନ୍ତି। ସେହିପରି ଅନ୍ୟ ଏକ ଚତୁର୍ଥ ରାଉଣ୍ଡ ମ୍ୟାଚ୍ରେ କ୍ରୋଏସିଆର ମାରିନ ସିଲିକ ଓ ୩୨ତମ ସିଡ୍ କାନାଡାର ମିଲୋସ ରାଓନିକ ପରସ୍ପରକୁ ଭେଟିବେ। ସିଲିକ ତୃତୀୟ ରାଉଣ୍ଡରେ ନବମ ସିଡ ରବର୍ଟ ବାତିସ୍ତା ଅଗୁଟଙ୍କୁ ୬-୭, ୬-୪,୬-୦, ୫-୭, ୬-୩ ସେଟ୍ରେ ଓ ରାଓନିକ ୭-୫, ୬-୪, ୭-୬ ସେଟ୍ରେ ଷଷ୍ଠ ସିଡ୍ ଗ୍ରୀସର ଷ୍ଟିଫାନୋସ ସିତିସ୍ପାସଙ୍କୁ ହରାଇ ଚତୁର୍ଥ ରାଉଣ୍ଡରେ ପ୍ରବେଶ କରିଛନ୍ତି। ସେହିପରି ସର୍ବିଆର ଦ୍ୱିତୀୟ ସିଡ ଖେଳାଳି ନୋଭାକ ଜୋକୋଭିଚ୍ ୬-୩, ୬-୨, ୬-୨ ସେଟ୍ରେ ଜାପାନର ୟୋସିହିଟୋ ନିଶିଓକାଙ୍କୁ ହରାଇ ଚତୁର୍ଥ ରାଉଣ୍ଡରେ ପ୍ରବେଶ କରିଛନ୍ତି। ସେ ଏବେ ୧୪ତମ ସିଡ୍ ଆର୍ଜେଣ୍ଟିନାର ଡିଏଗୋ ସ୍ବାର୍ଜମ୍ୟାନଙ୍କୁ ଭେଟିବେ। ସ୍ବାର୍ଜମ୍ୟାନ ଅନ୍ୟ ଏକ ତୃତୀୟ ରାଉଣ୍ଡ ମ୍ୟାଚ୍ରେ ୬-୨, ୬-୩, ୭-୬ ସେଟ୍ରେ ୨୪ତମ ସିଡ୍ ସର୍ବିଆର ଡୁସାନ ଲାଜୋଭିକଙ୍କୁ ହରାଇ ଅଗ୍ରଗତି କରିଛନ୍ତି। ସେହିପରି ଅନ୍ୟ ଏକ ଚତୁର୍ଥ ରାଉଣ୍ଡ ମ୍ୟାଚ୍ରେ ଇଟାଲୀର ଦ୍ୱାଦଶ ସିଡ ଖେଳାଳି ଫାବିଓ ଫୋଗୋନିନି ଓ ଆମେରିକାର ଟେନ୍ନିସ ସାଣ୍ଡଗ୍ରୀନ ପରସ୍ପରକୁ ଭେଟିବା ସ୍ପଷ୍ଟ ହୋଇଛି। ଫୋଗୋନିନି ୭-୬, ୬-୨, ୬-୩ ସେଟ୍ରେ ୨୨ତମ ଆର୍ଜେଣ୍ଟିନାର ଗୁଇଡୋ ପେଲାଙ୍କୁ ଓ ସାଣ୍ଡଗ୍ରୀନ ୬-୪, ୬-୪, ୬-୦୪ ସେଟ୍ରେ ଆମେରିକାର ସାମ କ୍ୟୁରେଙ୍କୁ ହରାଇ ଚତୁର୍ଥ ରାଉଣ୍ଡରେ ପ୍ରବେଶ କରିଛନ୍ତି।