ବନ୍ତଳା, ୨୦ା୧୦(ଡି.ଏନ.ଏ.)- ଅନୁଗୋଳ ଜିଲା ସାତକୋଶିଆ ଅଭୟାରଣ୍ୟ ପୁରୁଣାକୋଟ ଥାନା ଟାଇଁସି ତେନ୍ତୁଳି ସାହିରେ ଧାନ ବିଲକୁ ନେଇ ଗଣ୍ଡଗୋଳ ସହ ବୋମାମାଡ଼ ହୋଇଥିବା ଅଭିଯୋଗ ହୋଇଛି। ପୋଲିସ ଏ ସଂକ୍ରାନ୍ତରେ ମାମଲା ରୁଜୁ କରିବା ସହ ଘଟଣାସ୍ଥଳରୁ ଏକ ଜୀବନ୍ତ ବୋମା ଜବତ କରିଛି। ପୋଲିସ ସୂଚନା ମୁତାବକ, ଗ୍ରାମର ବିରଞ୍ଚତ୍ ବେହେରା ଓ ବିଶ୍ୱମ୍ବର ବେହେରାଙ୍କ ମଧ୍ୟରେ ଦୀର୍ଘ ବର୍ଷ ହେଲା ଏକ ଚାଷ ଜମିକୁ ନେଇ ବିବାଦ ଲାଗି ରହିଛି। ଉକ୍ତ ଜମିରେ ବିରଞ୍ଚି ଚାଷ କରି ଆସୁଥିବାବେଳେ ବିଶ୍ୱମ୍ବର ଏହାକୁ ନିଜର ବୋଲି ଦାବି କରି ଆସୁଛନ୍ତି। ଶନିବାର ଅପରାହ୍ନରେ ଏହି ଘଟଣାକୁ କେନ୍ଦ୍ର କରି ବିଶ୍ୱମ୍ବର ଦୁଇଟି ବୋମା ଧରି ବିରଞ୍ଚତ୍ଙ୍କୁ ଧମକାଇବା ସହ ଏକ ବୋମା ଗାଁ ମୁଣ୍ଡରେ ଫୁଟାଇଥିଲେ। ଏଥିସହ ଆଉ ଏକ ବୋମା ବିରଞ୍ଚତ୍ଙ୍କ ଉପରକୁ ପକାଇଥିଲେ ମଧ୍ୟ ତାହା ନ ଫୁଟିବାରୁ ସେ ବର୍ତ୍ତି ଯାଇଥିବା ବିରଞ୍ଚି ଥାନାରେ ଅଭିଯୋଗ କରିଛନ୍ତି। ରବିକାର ସକାଳେ ଅଭିଯୋଗ ପାଇ ଥାନା ଅଧିକାରୀ ବିକ୍ରମ ବିହାରୀ ଜୟପୁରିଆ ନଂ. ୫୫/୧୯, ଏକ୍ସପ୍ଲୋସିଭ ସବଷ୍ଟାନ୍ସ ଆକ୍ଟ ୩,୪ରେ ମାମଲା ରୁଜୁ କରିବା ସହ ଘଟଣାସ୍ଥଳକୁ ବୋମା ନିରୋଧକାରୀ ଦଳକୁ ଡକାଇ ଏହାକୁ ନିଷ୍କ୍ରିୟ କରାଇଥିଲେ। ବିଶ୍ୱମ୍ବର ଫେରାର ଥିବା ଜଣାପଡିଛି।