ସମ୍ବଲପୁର, ୩୧।୩ (ବ୍ୟୁରୋ)-ସମ୍ବଲପୁର ଜିଲାପାଳଙ୍କ ଅଫିସ ଭିତରକୁ ବାହ୍ୟ ବ୍ୟକ୍ତି ବିଶେଷଙ୍କ ଯାତାୟତ କରିବାକୁ ସମ୍ପୂର୍ଣ୍ଣ ଭାବେ ନିଷେଧ କରାଯାଇଛି । କେବଳ କର୍ମଚାରୀ ଓ ଅଧିକାରୀମାନଙ୍କ ବିନା ଅନ୍ୟମାନଙ୍କ ସକାଶେ ବାରଣ ରହିଛି । ସୋମବାର ଦିନଠାରୁ ଏହି ନିୟମ ଲାଗୁ କରାଯାଇଛି । ମଙ୍ଗଳବାର ବିଭିନ୍ନ ଅଞ୍ଚଳରୁ ଆସିଥିବା କେତେ ଜଣ ବ୍ୟକ୍ତି ଅଫିସ ଭିତରକୁ ଯିବାକୁ କହିଥିଲେ । କିନ୍ତୁ ସେମାନଙ୍କୁ ବାରଣ କରାଯାଇଥିଲା । ଏଥିସହ ପୂର୍ବତନ ରାଜ୍ୟସଭା ସଦସ୍ୟା ପ୍ରମିଳା ବହିଦାର ମଧ୍ୟ ଯାଇ ଫେରି ଆସିଥିବା ଦେଖିବାକୁ ମିଳିଥିଲା ।