କାର୍ତ୍ତିକ ଆର୍ୟନଙ୍କ ଫିଲ୍ମ ‘ପତି ପତ୍ନୀ ଔର ଓ୍ବ’୬ ଡିସେମ୍ବରରେ ରିଲିଜ୍ ହେବ। ଏହା ସହିତ ଫିଲ୍ମର ଗୀତ ‘ଧୀମେ ଧୀମେ’ ଲୋକପ୍ରିୟ ହେବାରେ ଲାଗିଛି। ଏହି ଚ୍ୟାଲେଞ୍ଜକୁ ନେଇ ଉତ୍ସାହିତ ଦୀପିକା ପାଦୁକୋନ୍ ଦୁଇଦିନ ପୂର୍ବେ କାର୍ତ୍ତିକଙ୍କ ଇନ୍ଷ୍ଟାଗ୍ରାମରେ ଡ୍ୟାନ୍ସ ଷ୍ଟେପ୍ ଶିଖିବା ପାଇଁ କହିଥିଲେ। କାର୍ତ୍ତିକଙ୍କ ଇନ୍ଷ୍ଟାରେ ଦୀପିକା କହିଥିଲେ, ମୋତେ ଟିକେ ଡ୍ୟାନ୍ସ ଶିଖାଇଦେବେ। ଏହାର ଉତ୍ତରରେ କାର୍ତ୍ତିକ ଲେଖିଥିଲେ ନିଶ୍ଚିତ ଶିଖାଇବି। କାର୍ତ୍ତିକ ଏହା ପରେ ଦୀପିକାଙ୍କୁ ରବିବାର ମୁମ୍ବାଇର ଏୟାରପୋର୍ଟ ବାହାରେ ଡ୍ୟାନ୍ସ ଷ୍ଟେପ୍ ଶିଖାଇଛନ୍ତି। ଦୀପିକା କାର୍ତ୍ତିକଙ୍କୁ ଧନ୍ୟବାଦ ଦେବା ସହ ଆଗାମୀ ଫିଲ୍ମ ପାଇଁ ଶୁଭକାମନା ଜଣାଇଛନ୍ତି।
ଫିଲ୍ମ ‘ପତି ପତ୍ନୀ ଔର ଓ୍ବ’ରେ ଭୂମି ପେଡ୍ନେକର, ଅପାରଶକ୍ତି ଖୁରାନା ଏବଂ ଅନନ୍ୟା ପାଣ୍ଡେ ମଧ୍ୟ ନଜର ଆସିବେ। ଏହାର ଗୀତକୁ ୟୁଟୁବ୍ରେ ଏବେସୁଦ୍ଧା ୩୦ ମିଲିୟନ୍ରୁ ଅଧିକ ୟୁଜର ଲାଇକ୍ କରିସାରିିଲେଣି। ଗୀତକୁ ନେହା ଏବଂ ଟୋନି କକ୍କର ଗାଇଥିବା ବେଳେ ତନିଷ୍କ ବାଗ୍ଚୀ କମ୍ପୋଜ୍ କରିଛନ୍ତି। ଏହି ଫିଲ୍ମଟି ୧୯୭୮ ମସିହାରେ ଆସିଥିବା ଫିଲ୍ମ ‘ପତି ପତ୍ନୀ ଔର ଓ୍ବ’ର ରିମେକ୍।