ଅନୁଗୋଳ ଅଫିସ, ୧୪।୮-ଅନୁଗୋଳ ସରକାରୀ ସ୍ବୟଂଶାସିତ ମହାବିଦ୍ୟାଳୟର ପିଜି ଫର୍ମରେ ତ୍ରୁଟି ଥିବା ସମ୍ପର୍କରେ କର୍ତ୍ତୃପକ୍ଷଙ୍କୁ ଜଣାଯାଇଥିଲେ ମଧ୍ୟ କେହି କର୍ଣ୍ଣପାତ କରୁ ନ ଥିବା କଲେଜର କେତେଜଣ ଛାତ୍ର ଅଭିଯୋଗ କରିଛନ୍ତି। ଏ ନେଇ ସମ୍ପୃକ୍ତ ଛାତ୍ରମାନେ ମଙ୍ଗଳବାର ଜିଲା ପ୍ରଶାସନର ଦ୍ୱାରସ୍ଥ ହୋଇଛନ୍ତି। ତେବେ ଅଭିଯୋଗପତ୍ର ପାଇବା ପରେ ଅତିରିକ୍ତ ଜିଲାପାଳ ତାହାକୁ ରାଜ୍ୟ ଶିକ୍ଷା ବିଭାଗକୁ ପଠାଇ ଦେଇଥିବା ଜଣାପଡ଼ିଛି।
ସମ୍ପୃକ୍ତ ଛାତ୍ରମାନେ ଅଭିଯୋଗ କରିଛନ୍ତି ଯେ, ମହାବିଦ୍ୟାଳୟର ୫ଟି ବିଭାଗରେ ସ୍ନାତକୋତ୍ତର ପାଠ୍ୟକ୍ରମ ପାଇଁ ଫର୍ମ ବାହାରିଥିଲା। ରାଜନୀତି ବିଜ୍ଞାନ ପାଇଁ ୩୨ଟି ଆସନ ଥିବାବେଳେ ଅର୍ଥନୀତି ବିଭାଗରେ ୧୬ଟି, ଓଡ଼ିଆରେ ୩୨, ପଦାର୍ଥ ବିଜ୍ଞାନରେ ୧୬ ଓ ଜୁଲୋଜିରେ ୧୬ଟି ଆସନ ଥିଲା। ଗତ ଜୁଲାଇ ୩ରେ ମହାବିଦ୍ୟାଳୟ ପକ୍ଷରୁ ଏ ନେଇ ବିଜ୍ଞପ୍ତି ପ୍ରକାଶ ପାଇଥିଲା। ଜୁଲାଇ ୯ ଶେଷ ତାରିଖ ଥିବାବେଳେ ଏହାକୁ ପରବର୍ତ୍ତୀ ସମୟରେ ୧୨ ତାରିଖ କରାଯାଇଥିଲା। ପ୍ରଥମ ଚୟନ ପ୍ରକ୍ରିୟା ଜୁଲାଇ ୧୭ରେ ହୋଇଥିଲା। ଅଗଷ୍ଟ ୮ ମଧ୍ୟରେ ଦୁଇଟି ପର୍ଯ୍ୟାୟରେ ଚୟନ ପ୍ରକ୍ରିୟା ଶେଷ ହୋଇ ନାମ ଲେଖା ସରିଛି। ତେବେ ସଂରକ୍ଷଣ ପ୍ରତିଶତରେ ତ୍ରୁଟି ଥିବା ଛାତ୍ରମାନେ ଅଭିଯୋଗ କରିଥିଲେ। ଏସ୍ଟିରେ ୨୨.୫ ପ୍ରତିଶତ