କଣାସ,୮।୧୧(ସ୍ବ.ପ୍ର.)- ଫନୀରେ କଣାସ ବ୍ଲକରେ ବହୁ ପରିବାର ବାସଗୃହ ହରାଇ ଥିବାବେଳେ ରାଜ୍ୟ ସରକାର ପକ୍ଷରୁ ଘରଭଙ୍ଗା ସହାୟତା ପ୍ରଦାନ କରାଯାଇଥିଲା। କିନ୍ତୁ ଏଥିରେ ବ୍ୟାପକ ଜାଲିଆତି ଏବଂ ପ୍ରକୃତ ଘରଭାଙ୍ଗା ବ୍ୟକ୍ତି ଏଥିରୁ ବଞ୍ଚତ୍ତ ଥିବା ଦାବି କରି ଭାଜପା ପକ୍ଷରୁ ଶୁକ୍ରବାର କଣାସ ତହସିଲ ଘେରାଉ କରାଯାଇଥିଲା। ଭାଜପା ଯୁବ ନେତା ଓମ ପ୍ରକାଶ ମିଶ୍ରଙ୍କ ନେତୃତ୍ୱରେ ୫୦୦ରୁ ଊର୍ଦ୍ଧ୍ୱ ଘରଭଙ୍ଗା ବିପନ୍ନ ତହସିଲ କାର୍ଯ୍ୟାଳୟକୁ ଘେରାଉ କରିଥିଲେ। ଖବରପାଇ ଏଡିଏମ୍ ବିନୟ ସେଠି କାର୍ଯ୍ୟାଳୟରେ ପହଞ୍ଚତ୍ ଯୁବନେତା ମିଶ୍ର, ଭାଜପାର ବରିଷ୍ଠ ନେତା କୃଷ୍ଣଚନ୍ଦ୍ର ଜଗଦେବ, ଭାଜପା ନେତ୍ରୀ ଲତାମଣୀ ଜଗଦେବ, ଆମତ୍ାର ପୂର୍ବତନ ଅଧ୍ୟକ୍ଷ ଭଗବାନ ସୁବୁଦ୍ଧିଙ୍କ ସହ ଆଲୋଚନା କରିଥିଲେ। ଆଲୋଚନାରେ ଘରଭଙ୍ଗା ସହାୟତା ବଣ୍ଟନରେ ହୋଇଥିବା ଅନିୟମିତତାକୁ ଠିକ ଭାବେ ତଦନ୍ତ କରି ପ୍ରକୃତ ବିପନ୍ନଙ୍କୁ ସହାୟତା ଦେବା ଏବଂ ଯେଉଁମାନେ ଏହି ସହାୟତା ପାଇଛନ୍ତି ସେମାନଙ୍କର ଏକ ତାଲିକା ଦେବାପାଇଁ ସମସ୍ତେ ଦାବି କରିଥିଲେ। ଏ ନେଇ ଏଡିଏମ୍ ସେଠି ସୂଚନା ଆଇନରେ ଘରଭଙ୍ଗା ସହାୟତା ତାଲିକା ମାଗିଲେ ଦିଆଯିବ ବୋଲି କହିବାରୁ ଯୁବନେତା ମିଶ୍ର ଏକ ସୂଚନା ଫର୍ମ ପୂରଣ କରି ଦେଇଥିଲେ।