ସୁକିନ୍ଦା,୩ା୯(ଡି.ଏନ୍.ଏ.)- ସୁକିନ୍ଦା ବ୍ଲକ ଆମ୍ପଳବା ଗ୍ରାମର ପଦ୍ମପୋଖରୀରେ ବୁଡି ରବିବାର ସନ୍ଧ୍ୟାରେ ଢେଙ୍କାନାଳ ଜିଲା ଭୁବନ ଗ୍ରାମର ପୂର୍ଣ୍ଣଚନ୍ଦ୍ର ସେନାପତି ନାମକ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଛି। ସୋମବାର ସକାଳେ ଅଗ୍ନିଶମ ବିଭାଗର ଭାରପ୍ରାପ୍ତ ଅଧିକାରୀ ପୂର୍ଣ୍ଣଚନ୍ଦ୍ର ସ୍ବାଇଁଙ୍କ ସହ ଖୁଖୁନ ସିଙ୍ଗ, ଅମୀୟ ଦଳେଇ, ଅନିଲ ରାଉତ, ଗଗନ ଦାସ, ଅସିତ ସେଠୀ ପ୍ରମୁଖ ପହଞ୍ଚତ୍ ପୋଖରୀରୁ ମୃତଦେହ ଉଦ୍ଧାର କରିଥିଲେ। ଏ ନେଇ ସୁକିନ୍ଦା ପୋଲିସ ଏକ ଅପମୃତ୍ୟୁ ମାମଲା (ନ.ଂ୧୯/୧୯) ରୁଜୁକରି ଦାନଗଦୀ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ମୃତଦେହ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଛି। ପରିବାରକୁ ଆର୍ଥକ ସହାୟତା ପାଇଁ ଭୁବନ ଓ ସୁକିନ୍ଦା ଅଞ୍ଚଳବାସୀ ଦାବି କରିଛନ୍ତି। ପ୍ରକାଶ ଯେ, ପୂର୍ଣ୍ଣଚନ୍ଦ୍ର ଦୈନନ୍ଦିନ ଫୁଲ ବିକ୍ରିକରି ପରିବାର ପ୍ରତିପୋଷଣ କରିଥାନ୍ତି। ଗଣେଶ ପୂଜା ଥିବାରୁ ରିବିବାର ସନ୍ଧ୍ୟାରେ ପୋଖରୀରୁ ପଦ୍ମ ତୋଳିବାକୁ ଯାଇଥିଲେ। ହେଲେ ପୋଖରୀ ଦଳ ମଧ୍ୟରେ ଛନ୍ଦି ହୋଇ ପଙ୍କ ମଧ୍ୟରେ ପଡିଯାଇ ମୃତ୍ୟୁବରଣ କରିଥିଲେ। ଖବର ପାଇ ସୁକିନ୍ଦା ଥାନାଧିକାରୀ ବିଚିତ୍ରାନନ୍ଦ ସେଠୀ, ଏସ୍ଆଇ ଅନ୍ତର୍ଯାମୀ ଶ୍ରୀଚନ୍ଦନ ପୋଲିସ ଟିମ୍ ସହ ପହଞ୍ଚତ୍ଥିଲେ। ଏଥିସହ ସୁକିନ୍ଦା ଅଗ୍ନିଶମ ବିଭାଗର ଭାରପ୍ରାପ୍ତ ଅଧିକାରୀ ପୂଣ୍ଣର୍ର୍ଚନ୍ଦ୍ର ଟିମ୍ ସହ ପହଞ୍ଚତ୍ଥିଲେ। ମାତ୍ର ଉକ୍ତ ପୋଖରୀରେ ବିଷଧର ସାପ ରହୁଥିବା ଗ୍ରାମବାସୀ କହିବା ପରେ ମୃତଦେହ ସକାଳେ ଉଦ୍ଧାର କରାଯିବା ନେଇ ନିଷ୍ପତ୍ତି ହୋଇଥିଲା।