ଲକ୍ଷ୍ନୌ: ଉତ୍ତରପ୍ରଦେଶର ଲକ୍ଷ୍ନୌରେ ଏକ ଅଜବ ଘଟଣା ଦେଖିବାକୁ ମିଳିଛି। ଜଣେ ପାନ ଦୋକାନୀ ଗ୍ରାହକଙ୍କୁ ବାକି ବା ମାଗଣାରେ ପାନ ଦେବାକୁ ମନା କରିବାରୁ ଗ୍ରାହକ ଜଣକ ଏମିତି କାଣ୍ଡ ଘଟାଇଛନ୍ତି, ଯାହା ସମସ୍ତଙ୍କୁ ଚକିତ କରିଦେଇଛି।
ଆଲମବାଗ୍ର ସାଲୁ ନାମକ ଜଣେ ୨୮ ବର୍ଷୀୟ ଯୁବକ ଗୁରୁବାର ରାତି ୧୦ଟାରେ ପାନ ଖାଇବା ପାଇଁ ସତ୍ୟେନ୍ଦ୍ରଙ୍କ ଦୋକାନକୁ ଯାଇଥିଲେ। ଏହି ସମୟରେ ସେ ଦୋକାନ ବନ୍ଦ କରୁଥିଲେ। ସାଲୁ ତାଙ୍କୁ ମାଗଣାରେ ପାନ ମାଗିଥିଲେ। ସତ୍ୟେନ୍ଦ୍ର ମନା କରିବାରୁ ସାଲୁ ତାଙ୍କ ଉପରକୁ ପ୍ରଥମେ ଟେକା ପଥର ମାଡ଼ କରିଥିଲେ। ଏପରିକି ସାଲୁ ଉତ୍କ୍ଷିପ୍ତ ହୋଇ ସତ୍ୟେନ୍ଦ୍ରଙ୍କ ଓଠ ଏବଂ କାନକୁ ଏକ ଧାରୁଆ ଅସ୍ତ୍ରରେ କାଟି ଖାଇ ଦେଇଛନ୍ତି। ଘଟଣାସ୍ଥଳରେ ସତ୍ୟେନ୍ଦ୍ର ପଡ଼ି ଛଟପଟ ହେଉଥିବାବେଳେ ସ୍ଥାନୀୟ ଲୋକେ ଦେଖି ହସ୍ପିଟାଲ ନେଇଥିଲେ।
ସୂଚନାଯୋଗ୍ୟ,ସାଲୁ ପେସାରେ ଜଣେ ଭିଡିଓଗ୍ରାଫର। ତେବେ ସାଲୁ ଘଟଣା ପରଠାରୁ ଫେରାର ହୋଇଯାଇଛନ୍ତି। ପୋଲିସ ପ୍ରାଥମିକ ତଦନ୍ତ କରି ତାଙ୍କ ନାମରେ ମାମଲା ରୁଜୁ କରିଛି।