କୋଟ୍ଜାକୋଲ୍କସ୍,(ମେକ୍ସିକୋ), ୨୯ା୮: ପୂର୍ବ ମେକ୍ସିକୋ କୋଟ୍ଜାକୋଲ୍କସ୍ ସହରରେ ଥିବା ଏକ ବାର୍ରେ ମଙ୍ଗଳବାର ରାତିରେ ପେଟ୍ରୋଲ ବୋମା ବିସ୍ଫୋରଣ କରାଯିବା ଯୋଗୁ ଅଗ୍ନିକାଣ୍ଡରେ ୨୫ ଜଣଙ୍କ ପ୍ରାଣହାନି ଘଟିଥିବାବେଳେ ୧୩ ଆହତ ହୋଇଥିବା ଜଣାପଡ଼ିଛି। ଏହା ଏକ ଆକ୍ରୋଶମୂଳକ ଆକ୍ରମଣ ଓ ନିଶା ବ୍ୟବସାୟରେ ସମ୍ପୃକ୍ତ ପ୍ରତିଦ୍ୱନ୍ଦ୍ୱୀଙ୍କ କୁଚକ୍ରାନ୍ତ ବୋଲି କୁହାଯାଇଛି। ବାର୍ ମଧ୍ୟରେ ବୋତଲରେ ପେଟ୍ରୋଲ ପୂରାଯାଇ ଫିଙ୍ଗାଯିବା ସହ ବିସ୍ଫୋରଣ କରାଯିବାରୁ ଚାରିଆଡ଼େ ନିଆଁ ଲାଗିଯାଇଥିଲା। ଏଥିରେ ସମ୍ପୃକ୍ତ ଥିବା ଦୋଷୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଭେରାକ୍ରୁଜ୍ ଗଭର୍ନର କହିଛନ୍ତି।