କେନ୍ଦୁଝର, ୫।୫(ସ୍ବ.ପ୍ର./ଡି.ଏନ.ଏ.)-କେନ୍ଦୁଝର ଜିଲାର ବିପ୍ଲବୀ ଧରଣୀଧର ଭୂୟାଁଙ୍କ ୧୫୬ ତମ ଜୟନ୍ତୀ କେନ୍ଦୁଝର ଜିଲାରେ ବିଭିନ୍ନ ଅଞ୍ଚଳରେ ମଙ୍ଗଳବାର ଦିନ ନିଆରା ଭାବେ ପାଳିତ ହୋଇଯାଇଛି। ଏହି ଅବସରରେ ଭୂୟାଁ ସାଂସ୍କୃତିକ ସଂଗଠନ ପକ୍ଷରୁ ସ୍ଥାନୀୟ ଧରଣୀଛକ ଠାରେ ଥିବା ତାଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରାଯାଇଛି। କରୋନା କଟକଣା ଥିବାରୁ ସାମାଜିକ ଦୂରତ୍ୱ ପାଳନ କରି ମାଲ୍ୟାର୍ପଣ କରାଯାଇଛି। ସଙ୍ଗଠନର ସାଧାରଣ ସମ୍ପାଦକ କାଙ୍ଗାଳୀ ଚରଣ ନାଏକ ଓ ଉପସଭାପତି ଭାସ୍କର ଅମାନ୍ତ ପୁଷ୍ପମାଲ୍ୟ ଅର୍ପଣ କରି ଶ୍ରଦ୍ଧା ସୁମନ ଅର୍ପଣ କରିଥିଲେ। ଏହି ଦିନ ମହାନ ବିପ୍ଲବୀଙ୍କ ଜନ୍ମ ସଦର ବ୍ଲକ ଦୁର୍ଗମ ପାହାଡ଼ ଓ ଜଙ୍ଗଲ ପରିବେଷ୍ଟିତ କୁସୁମିତାରେ ଜନ୍ମ ଲାଭ କରିଥିଲେ। ଜନ ବିରୋଧୀ ଏକ ଛତ୍ରବାଦ ରାଜତନ୍ତ୍ର ଓ ବ୍ରିଟିଶ ଶାସନ ମବିରୋଧରେ ମେଳି କରି ଭୂୟାଁ ଓ ଅନ୍ୟ ଜନଜାତି ମାନଙ୍କ ପାଇଁ ଲଢ଼ି ନିଜର ବୀରତ୍ୱ ପ୍ରଦର୍ଶନ କରି ଚିର ଅମର ହୋଇରହିଥିଲେ ବୋଲି ସଙ୍ଗଠନର ଶ୍ୟାମ ସୁନ୍ଦର ନାଏକ କହିଛନ୍ତି।
