ତାଳଚେର, ୩ା୬(ନି.ପ୍ର.) ତାଳଚେର ବ୍ଲକ ବିକ୍ରମପୁର ଥାନା ଅନ୍ତର୍ଗତ ଭଞ୍ଜ କଲୋନୀରେ ଜଣେ ମହିଳାଙ୍କ ମୃତ୍ୟୁ ଘଟିଛି। ଏହା ଯୌତୁକଜନିତ ହତ୍ୟା ବୋଲି ପରିବାର ପକ୍ଷରୁ ଥାନାରେ ଅଭିଯୋଗ ହୋଇଛି।
ଗଡବାନ୍ଧପଡା ଗ୍ରାମର ମହେଶ୍ୱର ଚକ୍ରଙ୍କ ଝିଅ ମାନସୀ(୩୫) ୨୦୦୭ରେ ପରଜଙ୍ଗ ଥାନା ଡମୋଳ ଗ୍ରାମର ମହାଦେବ ବଳଙ୍କୁ ବିବାହ କରିଥିଲେ। ମହାଦେବ ଭଞ୍ଜ କଲୋନୀରେ ପରିବାର ସହ ରହୁଥିଲେ। ଶନିବାର ରାତିରେ ମାନସୀଙ୍କ ମୃତ୍ୟୁ ଘଟିଥିବା ଜଣାପଡିଥିଲା। ତେବେ ଯୌତୁକ ନିର୍ଯାତନା ଦେଇ ମାନସୀଙ୍କ ହତ୍ୟା କରାଯାଇଥିବା ରବିବାର ମୃତାଙ୍କ ବାପା ଥାନାରେ ଅଭିଯୋଗ କରିଛନ୍ତି। ପୋଲିସ ମାଜିଷ୍ଟ୍ରେଟଙ୍କ ଉପସ୍ଥିତିରେ ତଦନ୍ତ କରିବା ସହିତ ସନ୍ଧ୍ୟାରେ ମୃତଦେହ ବ୍ୟବଚ୍ଛେଦ ନିମନ୍ତେ ଉପଖଣ୍ଡ ଡାକ୍ତରଖାନାକୁ ପଠାଇଛି। ଥାନାରେ ନଂ. ୫୧/୧୯ରେ ମକଦ୍ଦମା ରୁଜୁ କରାଯାଇଛି। ବ୍ୟବଚ୍ଛେଦ ରିପୋର୍ଟ ମିଳିବା ପରେ ଘଟଣାର ସତ୍ୟାସତ୍ୟ ଜଣାପଡିବ ବୋଲି ଆଇଆଇସି ଡି. ନାୟକ ପ୍ରକାଶ କରିଛନ୍ତି ା