ରାୟଗଡ଼ା ଅଫିସ,୨୦।୬: ରାୟଗଡ଼ା ଜିଲାରେ ଶନିବାର ୫ କରୋନା ଆକ୍ରନ୍ତ ଚିହ୍ନଟ ହୋଇଛନ୍ତି। ସେଥିମଧ୍ୟରୁ ଗୁଣୁପୁର ବ୍ଲକର ୪ ଜଣ। ଅନ୍ୟ ଜଣେ ରାମନାଗୁଡ଼ା ବ୍ଲକର ବୋଲି ଜଣାପଡ଼ିଛି l ଆକ୍ରାନ୍ତଙ୍କ ମଧ୍ୟରୁ ୩ ମହିଳା, ଜଣେ ପୁରୁଷ ହୋଇଥିବା ବେଳେ ଜଣେ ଶିଶୁକନ୍ୟା ରହିଛନ୍ତି। ପ୍ରଥମ ଆକ୍ରାନ୍ତ ମହିଳା ଜଣକ ହେଲେ ରାମନାଗୁଡ଼ା ବ୍ଲକର। ସେ କର୍ଣ୍ଣାଟକ ଫେରନ୍ତା। ୨ୟ ମହିଳା ହେଲେ ଗୁଣୁପୁର ଅର୍ବାନ ଅଞ୍ଚଳର। ସେ ଏକ ସ୍କୁଲରେ ୧୪ ଦିନ କ୍ୱାରାଣ୍ଟାଇନ୍ରେ ରହିବା ପରେ ହୋମ୍ କ୍ୱାରାଣ୍ଟାଇନ୍ରେ ଥିଲେ। ସେ ତାମିଲନାଡୁ ଫେରନ୍ତା। ବାକି ୩ ଜଣ ହେଉଛନ୍ତି ଗୋଟିଏ ପରିବାରର ସ୍ତ୍ରୀ, ସ୍ବାମୀ, ୪ ବର୍ଷର ଶିଶୁ କନ୍ୟା। ଏମାନେ ଗୁଣୁପୁର ବ୍ଲକ ଅଞ୍ଚଳର। ତାମିଲନାଡୁରୁ ଫେରିଥିଲେ। ସମସ୍ତ ଆକ୍ରାନ୍ତଙ୍କୁ ଜେକେପୁରସ୍ଥିତ କୋଭିଡ୍ ହସ୍ପିଟାଲକୁ ସ୍ଥାନାନ୍ତର କରାଯାଇଛି।
