ମାର୍ଶାଘାଇ,୨୩।୧୨(ଡି.ଏନ୍.ଏ.): କେନ୍ଦ୍ରାପଡ଼ା ଜିଲା ମାର୍ଶାଘାଇ ଥାନା ଅନ୍ତର୍ଗତ ଚଣ୍ଡିଖୋଲ-ପାରାଦୀପ ୫ ନଂ.(କ) ଜାତୀୟ ରାଜପଥର ବାଲିସୁଆଁ ଛକ ନିକଟରେ ସୋମବାର ଅପରାହ୍ନରେ ଏକ ସଡ଼କ ଦୁର୍ଘଟଣା ଘଟିଛି। ଏଥିରେ ଜଣଙ୍କର ମୃତ୍ୟୁ ଘଟିଥିବା ବେଳେ ଆଉ ଜଣେ ଗୁରୁତର ହୋଇ ଡାକ୍ତରଖାନାରେ ଭର୍ତ୍ତି ହୋଇଛନ୍ତି। ଦୁଇ ଜଣ ଯୁବକ ବାଇକ ଯୋଗେ ପାରାଦୀପ ଯାଉଥିବା ବେଳେ ଏକ ଅଜଣା ଗାଡ଼ି ସେମାନଙ୍କୁ ଧକ୍କା ଦେଇ ଚାଲି ଯାଇଥିଲା। ଖବରପାଇ ମାର୍ଶାଘାଇ ଅଗ୍ନିଶମ ବିଭାଗ କର୍ମଚାରୀମାନେ ପହଞ୍ଚି ଉଭୟଙ୍କୁ ମାର୍ଶାଘାଇ ମେଡ଼ିକାଲକୁ ଆଣିଥିଲେ। ତେବେ ମୃତକ ଜଣକ ନୟାଗଡ଼ ଜିଲା ରଣପୁର ଥାନା ମଝିଆଖଣ୍ଡ ଗାଁର ସୁବାସ ଚନ୍ଦ୍ର ବିଶ୍ବାଳ(୩୦)ଏବଂ ଗୁରୁତର ଜଣକ ନିରାକାରପୁର ଗାଁର ପ୍ରସନ୍ନ କୁମାର ସେଠୀ(୩୨) ବୋଲି ଜଣାପଡ଼ିଛି। ଦୁଇଜଣ ଯାକ ପାରାଦୀପରେ ରହି ଟ୍ରକ ଚଳାଉଥିବା ଜଣାପଡ଼ିଛି।