ଭାରତୀୟ କ୍ରିକେଟ ଟିମର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଗତ ପାଞ୍ଚମାସ ଧରି କ୍ରିକେଟରୁ ଦୂରରେ ଅଛନ୍ତି। ଏଭଳି ସ୍ଥିତିରେ ଧୋନୀ ପୁଣିଥରେ ଅନ୍ତର୍ଜାତୀୟ କ୍ରିକେଟକୁ କେବେ ଫେରିବେ, ତାହା ବଡ ପ୍ରଶ୍ନ ହୋଇ ରହିଛି। କିନ୍ତୁ ଅବସରକୁ ନେଇ ଚିନ୍ତିତ ନାହାନ୍ତି ଧୋନୀ। ଏବେ ସେ ନିଜ ପରିବାର ସହ ସମୟ ବିତାଉଛନ୍ତି। ଚେନ୍ନାଇରେ ଆୟୋଜିତ ଏକ କାର୍ଯ୍ୟକ୍ରମରେ ଭାଗ ନେଇ ଧୋନୀ ବ୍ୟକ୍ତିଗତ ଜୀବନୀକୁ ବଡ ଖୁଲାସା କରିଛନ୍ତି। ଏହି କାର୍ଯ୍ୟକ୍ରମରେ ତାଙ୍କ ବିବାହକୁ ନେଇ ପ୍ରଶ୍ନ ପଚରାଯିବାରୁ ଧୋନୀ କହିଥିଲେ, ବିବାହର ପ୍ରକୃତ ଅର୍ଥ ୫୫ ବର୍ଷରେ ଜଣାପଡେ। ମୁଁ ଏଥିପାଇଁ ଭଲ ସ୍ବାମୀ ବୋଲି ନିଜକୁ କହିବି, କାରଣ ସାକ୍ଷୀ ଯାହା ଇଚ୍ଛା କରନ୍ତି ବା ତାଙ୍କୁ ଯାହା ଭଲ ଲାଗେ ମୁଁ ତାଙ୍କୁ ତାହା କରିବାକୁ ଅନୁମତି ଦିଏ। କାରଣ ସେ ଖୁସି ରହିଲେ ହିଁ ମୁଁ ଖୁସିରେ ରହିପାରିବି। ବିବାହ ପୂର୍ବରୁ ସବୁ ପୁରୁଷ ସିଂହ ଭଳି ଥାନ୍ତି କିନ୍ତୁ ବିବାହ ପରେ ଆପଣ କ’ଣ ତାହା ୫୫ ବର୍ଷରେ ହିଁ ଜଣାପଡେ ବୋଲି ଧୋନୀ କହିଛନ୍ତି।