ଭୁବନେଶ୍ୱର,୩।୧୦(ବ୍ୟୁରୋ): ବିଜେପୁର ଉପନିର୍ବାଚନ ଲାଗି ରାଜ୍ୟ ରାଜନୀତି ସରଗରମ। ଆସନ୍ତା ୨୧ରେ ଭୋଟ ଗ୍ରହଣ ହେବାକୁ ଘୋଷଣା ହୋଇଥିବା ବେଳେ ଗୁରୁବାର ତିନି ପ୍ରମୁଖ ଦଳ ନିଜର ଷ୍ଟାର ପ୍ରଚାରକ ତାଲିକା ଘୋଷଣା କରିଛନ୍ତି। ଏଥିରେ ବିଜେଡି ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରଚାର ମଇଦାନକୁ ଓହ୍ଲାଇବେ ବୋଲି ଜଣାପଡ଼ିଛି। ତେବେ ନବୀନ ଆସନ୍ତା ୧୭ ଓ ୧୮ରେ ବିଜେପୁର ଯିବାର ସମ୍ଭାବନା ରହିଛି। ଏହି ଦୁଇ ଦିନି ଦିନିଆ କାର୍ଯ୍ୟକ୍ରମ ସମୟରେ ସେ ସେଠାରେ ରାତ୍ରୀଯାପନ କରିବାର କାର୍ଯ୍ୟକ୍ରମ ରହିଛି। ସେ ବିଜେପୁର, ଗାଇସିଲେଟ ଏବଂ ବରପାଲିରେ ନିର୍ବାଚନ ପ୍ରଚାର କରିପାରନ୍ତି। ଏପରିକି ସେଠାରେ ପଥପ୍ରାନ୍ତ ସଭା, ରୋଡ ଶୋ’ ଆଦି କରିବାର କାର୍ଯ୍ୟକ୍ରମ ରହିଛି।
ସୂଚନାଯୋଗ୍ୟ, ଅକ୍ଟୋବର ୨୧ରେ ହେବାକୁ ଥିବା ବିଜେପୁର ଲଢ଼େଇ ପାଇଁ ବିଜେଡି ଏବଂ କଂଗ୍ରେସ ପକ୍ଷରୁ ୪୦ଜଣିଆ ଷ୍ଟାର ପ୍ରଚାରକ ତାଲିକା ପ୍ରକାଶ ପାଇଥିବା ବେଳେ ଭାଜପା ୨୪ ଜଣଙ୍କୁ ଷ୍ଟାର ପ୍ରଚାରକ କରିଛି।