ଅମରାବତୀ,୭।୬: ଆନ୍ଧ୍ର୍ର ପ୍ରଦେଶ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିବା ପରେ ଏବେ ୫ ଉପମୁଖ୍ୟମନ୍ତ୍ରୀଙ୍କୁ ନେଇ ରେକର୍ଡ କରିବାକୁ ଯାଉଛନ୍ତି ଜଗନ ମୋହନ ରେଡ୍ଡି। ତାଙ୍କ ମନ୍ତ୍ରିମଣ୍ଡଳରେ ୫ ଜଣ ଉପ ମୁଖ୍ୟମନ୍ତ୍ରୀ ରହିବେ ବୋଲି ସେ ଶୁକ୍ରବାର ଘୋଷଣା କରିଛନ୍ତି। ଏମାନେ ଅନୁସୂଚିତ ଜାତି, ଅନୁସୂଚିତ ଜନଜାତି, ପଛୁଆବର୍ଗ, ସଂଖ୍ୟାଲଘୁ ଓ କପୁ ସମୁଦାୟର ହେବେ ବୋଲି ଜଣାପଡିଛି। ଦେଶରେ ପ୍ରଥମ ଥର ଲାଗି କୌଣସି କ୍ୟାବିନେଟରେ ୫ ଉପମୁଖ୍ୟମନ୍ତ୍ରୀ ରହିବାର ରେକର୍ଡ ହେବ। ସୂଚନାଯୋଗ୍ୟ, ରେଡ୍ଡିଙ୍କ ୨୫ ଜଣିଆ କ୍ୟାବିନେଟ ଶନିବାର ଶପଥ ଗ୍ରହଣ କରିବେ। ତେବେ ଅଢେଇ ବର୍ଷ ପରେ କ୍ୟାବିନେଟରେ ଅଦଳବଦଳ କରାଯିବ ବୋଲି ରେଡ୍ଡି କହିଛନ୍ତି।