ଇନ୍ଦୋର,୮।୬: ମଧ୍ୟପ୍ରଦେଶ ଇନ୍ଦାରଠାରେ ଥିବା ତିରୁପତି ବାଲାଜୀଙ୍କ ମନ୍ଦିରରେ କରାଯାଇଛି ଏକ ସ୍ବତନ୍ତ୍ର ଅଭିଷେକ। ୫ କିଲୋଗ୍ରାମ୍ ଅମ୍ବରେ ଭଗବାନ ବାଲାଜୀଙ୍କ ଆମ୍ରାଭିଷେକ ହୋଇଛି। ଅତ୍ୟଧିକ ଗରମରୁ ରକ୍ଷା ପାଇବା ପାଇଁ ଏଭଳି ଅଭିଷେକ କରାଯାଇଥିବା ସ୍ଥାନୀୟ ଲୋକେ କହିଛନ୍ତି। ଅଭିଷେକରେ ୧୧ କିସମର ଆମ୍ବର ବ୍ୟବହାର କରାଯାଇଥିଲା। ଏହାକୁ ଦେଖିବା ଲାଗି ଶ୍ରଦ୍ଧାଳୁଙ୍କ ଭିଡ଼ ହୋଇଥିଲା। ପ୍ରଥମେ ୧୦୮ ପବିତ୍ର ନଦୀଜଳରେ ବାଲାଜୀଙ୍କ ଅଭିଷେକ କରାଯିବା ପରେ ଏଭଳି ହୋଇଥିଲା। ସ୍ଥାନୀୟ ବୈଷ୍ଣବ ସମ୍ପ୍ରଦାୟ ପୁରାତନ କାଳରୁ ଅତ୍ୟଧିକ ଗରମରୁ ରକ୍ଷା ପାଇବା ଲାଗି ବାଲାଜୀଙ୍କଠାରେ ଏଭଳି ପରମ୍ପରା ପାଳିତ କରୁଥିବା ବୈଷ୍ଣବ ସମ୍ପ୍ରଦାୟର ମିଡ଼ିଆ ପ୍ରଭାରୀ ରାମ ସ୍ବରୂପ ମୁଦଣ୍ଡା ସୂଚନା ଦେଇଛନ୍ତି।