ନୂଆଦିଲ୍ଲୀ,୧୮ ।୧: ରାମ ମନ୍ଦିର ନିର୍ମାଣକୁ ନେଇ ଦେଶବାସୀଙ୍କ ମନରେ କେତେ ଉତ୍ସାହ ତାହା ଏବେ ଦେଖିବାକୁ ମିଳିଛି । କାରଣ ୨ ଦିନ ମଧ୍ୟରେ ରାମ ମନ୍ଦିର ନିର୍ମାଣ ପାଇଁ ପାଖାପାଖି ୧୦୦କୋଟି ଟଙ୍କା ଦାନ ମିଳିଥିବା ଜଣାପଡିଛି । ଶ୍ରୀ ରାମ ଜନ୍ମଭୂମୀ ତିର୍ଥ ଟ୍ରଷ୍ଟର ମହାସଚିବ ଚମ୍ପତ ରାୟ କହିଛନ୍ତି ଦୁଇ ଦିନରେ ଶହେ କୋଟି ଦାନ ମିଳିବା କଥା ଆମ କର୍ମକର୍ତ୍ତାଙ୍କଠାରୁ ଜାଣିବାକୁ ପାଇଛୁ । ହେଲେ ଏବେ ଏହା ମୁଖ୍ୟାଳୟ ପର୍ଯ୍ୟନ୍ତ ପହଞ୍ଚି ନାହିଁ । ସୂଚନାଯୋଗ୍ୟ, ଶ୍ରୀ ରାମ ଜନ୍ମଭୂମୀ ତିର୍ଥ ଟ୍ରଷ୍ଟ ଆଯୋଦ୍ଧାରେ ଭବ୍ୟ ରାମମନ୍ଦିର ନିର୍ମାଣ ପାଇଁ ଜନ ସମ୍ପର୍କ ଓ ଯୋଗଦାନ ଅଭିଯାନ ଆରମ୍ଭ କରିଛନ୍ତିି । ଏହା ଫେବୃୟାରୀ ୨୭ ପର୍ଯ୍ୟନ୍ତ ଚାଲିବ । ଏହାର କାମ ହେଲା ରାମ ମନ୍ଦିର ନିର୍ମାଣ ପାଇଁ ଦାନ ରାଶି ଏକାଠି କରିବା । ଏହି ଅଭିଯାନ ଆରମ୍ଭ ହେଉ ହେଉ ରାଷ୍ଟ୍ରପତି ରାମନାଥ କୋବିନ୍ଦ ମନ୍ଦିର ନିର୍ମାଣ ପାଇଁ ୫ ଲକ୍ଷ ଟଙ୍କା ଦାନ କରିଛନ୍ତି । ସେହିପରି ଉପରାଷ୍ଟ୍ରପତି ଭେଙ୍କିୟା ନାଇଡୁଙ୍କ ପରିବର ବି ରାମ ମନ୍ଦିର ନିର୍ମାଣ ପାଇଁ ୫ ଲକ୍ଷରୁ ଅଧିକ ଟଙ୍କା ଦେଇଛନ୍ତି । ଏହାସହ କେତେଜଣ ବିଧାୟକ ମୁଖ୍ୟମନ୍ତ୍ରୀମାନେ ମଧ୍ୟ ରାମ ମନ୍ଦିର ନିର୍ମାଣ ପାଇଁ ମୋଟା ଅଙ୍କ ଦାନ କରିଛନ୍ତି ।
