ଗୁଆହାଟୀ, ୧୮।୯ : ଆସାମର ବିଶ୍ୱନାଥ ଜିଲାର ବାଘମରି ଅଞ୍ଚଳରୁ ୧୭ ଜଣ ବାଂଲାଦେଶୀ ନାଗରିକଙ୍କୁ ଗିରଫ କରାଯାଇଛି। ସେମାନେ ସମସ୍ତେ ଭାରତୀୟ ଭିଜା ନିୟମ ଉଲ୍ଲଂଘନ କରିଥିବା ଅଭିଯୋଗ ହୋଇଛି। ପୋଲିସ ମହାନିର୍ଦ୍ଦେଶକ ଭାସ୍କର ଜ୍ୟୋତି ମହନ୍ତ କହିଛନ୍ତି ଯେ ଏହି ସମସ୍ତ ଅଭିଯୁକ୍ତ ପର୍ଯ୍ୟଟନ ଭିଜା ନେଇ ଏଠାକୁ ଆସିଥିଲେ କିନ୍ତୁ ଧାର୍ମିକ ପ୍ରଚାର କାର୍ଯ୍ୟ କରିବା ଆରମ୍ଭ କରିଥିଲେ। ଯାହା ଅନୁମତିପ୍ରାପ୍ତ ନୁହେଁ।
ଅନ୍ୟ ଏକ ଗୁରୁତ୍ୱପୂର୍ଣ୍ଣ ସୂଚନା ଦେଇ ଡିଜିପି କହିଛନ୍ତି ଯେ ଇସଲାମ ସମ୍ପ୍ରଦାୟର ନେତାମାନେ ଆସାମର ମଦ୍ରାସାଗୁଡ଼ିକର ତଦାରଖ କରିବେ। ସେମାନେ ସ୍ବୀକାର କରିଛନ୍ତି ଯେ ଅନେକ ମଦ୍ରାସା ସଠିକ ଭାବରେ ଚାଲୁନାହିଁ। ମଦ୍ରାସା ସମ୍ବନ୍ଧୀୟ ସମସ୍ତ ବିବରଣୀ ଶୀଘ୍ର ଏକ ସରକାରୀ ପୋର୍ଟାଲରେ ଅପଲୋଡ ହେବ ବୋଲି ସେ କହିଛନ୍ତି।