ଭୁବନେଶ୍ୱର, ୨।୧୨ (ତପନ ସ୍ବାଇଁ): ୨୦୨୪ ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ୍) ପାଇଁ ଖେଳାଳି ନିଲାମ ପ୍ରକ୍ରିୟା ଚଳିତ ମାସ ୧୯ ତାରିଖରେ ଦୁବାଇରେ ଅନୁଷ୍ଠିତ ହେବ। ଏଥିପାଇଁ ଓଡ଼ିଶା କ୍ରିକେଟ ଆସୋସିଏଶନ (ଓସିଏ) ପକ୍ଷରୁ ୧୬ ଜଣ ଖେଳାଳିଙ୍କ ନାମ ପଞ୍ଜୀକୃତ କରାଯାଇଛି। ସମସ୍ତ ଖେଳାଳିଙ୍କ ବେସ୍ ପ୍ରାଇସ୍ ୨୦ ଲକ୍ଷ ଟଙ୍କା ଲେଖାଏ ରଖା ଯାଇଛି। ପଞ୍ଜୀକୃତ ହୋଇଥିବା ଖେଳାଳିମାନେ ହେଲେ ଗୋବିନ୍ଦ ପୋଦ୍ଦାର, ପ୍ରୟାସ ସିଂ, ସୁନୀଲ ରାଉଳ, ରାକେଶ ପଟ୍ଟନାୟକ, ହର୍ଷିତ ରାଠୋଡ, ସ୍ବସ୍ତିକ ସାମଲ, ଦେବବ୍ରତ ପ୍ରଧାନ, ଅଭିଷେକ ଯାଦବ, ସୌଭାଗ୍ୟ ରାଉତ, ଶାନ୍ତନୁ ମିଶ୍ର, ଶୁଭ୍ରାଂଶୁ ସେନାପତି, ରାଜେଶ ଧୂପର, ମୁସ୍ତାକ ବେଗ୍, ଆଶୀର୍ବାଦ ସ୍ବାଇଁ, ରାଜେଶ ମହାନ୍ତି ଓ ସନ୍ଦୀପ ପଟ୍ଟନାୟକ। ପ୍ରକାଶଯୋଗ୍ୟ ଯେ, ଗତ ସିଜନରେ ଶୁଭ୍ରାଂଶୁ ସେନାପତି ଚେନ୍ନାଇ ସୁପର କିଙ୍ଗ୍ସ ଦଳର ସଦସ୍ୟ ରହିଥିଲେ। ମାତ୍ର ଏଥର ଏହି ଫ୍ରାଞ୍ଚାଇଜ୍ ତାଙ୍କୁ ରିଲିଜ କରିଦେଇଛି। ଫଳରେ ସେ ନିଲାମ ପ୍ରକ୍ରିୟାରେ ଉପଲବ୍ଧ ହେବେ।