ଭୁବନେଶ୍ୱର,୧୪।୫ (ବ୍ୟୁରୋ) : କରୋନା ପରିସ୍ଥିତି ପାଇଁ ଟ୍ରେନ୍ରେ ଯାତ୍ରୀ ସଂଖ୍ୟା ଧିରେ ଧିରେ କମିବାକୁ ଲାଗିଛି। ଏହାକୁ ଦୃଷ୍ଟିରେ ରଖି ସଂକ୍ରମଣ ଶୃଙ୍ଖଳକୁ ଭାଙ୍ଗିବା ପାଇଁ ପୂର୍ବତଟ ରେଳପଥ ପରିସୀମାରୁ ଛାଡୁଥିବା ୪ ଯୋଡା ସ୍ପେଶାଲ ଏକ୍ସପ୍ରେସ୍କୁ ବାତିଲ କରାଯାଇଛି। ଚଳିତ ମାସ ଶେଷ ପର୍ଯ୍ୟନ୍ତ ଏହି ଟ୍ରେନ୍ଗୁଡିକୁ ଉଭୟ ପାର୍ଶ୍ୱରୁ ବନ୍ଦ ରହିବ। ପୁରୀ-ଏଲ୍ଟିଟି-ପୁରୀ ସାପ୍ତାହିକ ସ୍ପେଶାଲ ଏକ୍ସପ୍ରେସ (୦୨୮୬୬/୦୨୮୬୫) ପୁରୀଠାରୁ ଆସନ୍ତା ୧୮ ଓ ୨୫ ତାରିଖ ଦିନ ଓ ଏଲ୍ଟିଟିଠାରୁ ଆସନ୍ତା ୨୦ ଓ ୨୭ ତାରିଖ ଦିନ ବାତିଲ ରହିବ। ସେହିପରି ଭୁବନେଶ୍ୱର-ଏଲଟିଟି-ଭୁବନେଶ୍ୱର ଦ୍ୱି-ସାପ୍ତାହିକ ସ୍ପେଶାଲ ଏକ୍ସପ୍ରେସ୍ (୦୨୮୮୦/୦୨୮୭୯) ଭୁବନେଶ୍ୱରଠାରୁ ଆସନ୍ତା ୧୭,୨୦,୨୪ ଓ ୨୭ ତାରିଖ ଦିନ ଏବଂ ଏଲଟିଟିରୁ ଆସନ୍ତା ୧୯, ୨୨, ୨୬ ଓ ୨୯ ତାରିଖ ଦିନ ବାତିଲ ରହିବ। ଦୈନନ୍ଦିନ ଚଳାଚଳ କରୁଥିବା ବିଶାଖାପାଟଣା-କଡ଼ପା-ବିଶାଖାପାଟଣା (୦୭୪୮୮/୦୭୪୮୭) ସ୍ପେଶାଲ ଟ୍ରେନ୍ ବିଶାଖାପାଟଣାରୁ ୧୪ରୁ ୩୧ ତାରିଖ ଓ କଡ଼ପାଠାରୁ ଆସନ୍ତା ୧୫ ତାରିଖରୁ ଜୁନ୍ ୧ ପର୍ଯ୍ୟନ୍ତ ବାତିଲ୍ ରହିବ। ଦୈନନ୍ଦିନ ଚଳାଚଳ କରୁଥିବା ବିଶାଖଶପାଟଣା-ଲିଙ୍ଗମପଲ୍ଲୀ-ବିଶାଖାପାଟଣା (୦୨୮୩୧/୦୨୮୩୨) ସ୍ପେଶାଲ ଟ୍ରେନ୍ ବିଶାଖାପାଟଣାଠାରୁ ୧୪ ରୁ ୩୧ ତାରିଖ ମଧ୍ୟରେ ଓ ଲିଙ୍ଗମପଲ୍ଲୀଠାରୁ ଆସନ୍ତା ୧୫ ତାରିଖଠାରୁ ଜୁନ୍ ୧ ପର୍ଯ୍ୟନ୍ତ ବାତିଲ ରହିବ।
