ବଲିଉଡ ଅଭିନେତା ଅଭିଷେକ ବଚ୍ଚନ ୨୦୦୭ରେ ଐଶ୍ୱର୍ଯ୍ୟା ରାୟ ବଚ୍ଚନଙ୍କୁ ବିବାହ କରିଥିଲେ। ସେହି ଦିନଠାରୁ ଏହି ଯୋଡି ପ୍ରଶଂସକଙ୍କ ପ୍ରିୟ ଯୋଡି ଆଖ୍ୟା ପାଇଛନ୍ତି। ଏଥି ସହିତ, କିଛି ଦିନ ପୂର୍ବରୁ ଅଭିଷେକ ତାଙ୍କ ଭଉଣୀ ଶ୍ୱେତା ନନ୍ଦାଙ୍କ ସହ ଏକ ସାକ୍ଷାତକାରରେ ନଜର ଆସିଥିଲେ। ଏଠାରେ ଉଭୟ ଅନେକ ମଜାଦାର ପ୍ରଶ୍ନର ଉତ୍ତର ଦେଇଥିଲେ। ଏହି ସାକ୍ଷାତକାରରେ ଅଭିଷେକ ବଚ୍ଚନଙ୍କୁ ପଚରାଯାଇଥିଲା ଯେ, ସେ ତାଙ୍କ ମା’ ଜୟା ବଚ୍ଚନ କିମ୍ବା ସ୍ତ୍ରୀ ଐଶ୍ୱର୍ଯ୍ୟାଙ୍କ ମଧ୍ୟରୁ କାହାକୁ ଅଧିକ ଭୟ କରନ୍ତି। ଏହାର ଜବାବରେ ଅଭିଷେକ ତୁରନ୍ତ ମା’ଙ୍କୁ ବୋଲି କୁହନ୍ତି। ତା’ପରେ ତାଙ୍କ ଭଉଣୀ ଶ୍ୱେତା ମଝିରେ କୁହନ୍ତି ଯେ, ଅଭିଷେକ ତାଙ୍କ ସ୍ତ୍ରୀଙ୍କୁ ଅଧିକ ଭୟ କରନ୍ତି।
ଅଭିଷେକ ବଚ୍ଚନଙ୍କ ହାତରେ ଏବେ ଅନେକ ଫିଲ୍ମ ଅଛି। ବୋବ ବିଶ୍ୱାସ ଏବଂ ହେରା ଫେରି-୩ ଭଳି ଚଳଚ୍ଚିତ୍ରରେ ସେ ଆଗକୁ ନଜର ଆସିବେ। ତାଙ୍କୁ ଶେଷ ଥର ଅନୁରାଗ ବସୁଙ୍କ ଫିଲ୍ମ ‘ଲୁଡୋ’ରେ ଦେଖିବାକୁ ମିଳିଥିଲା।
