ମୁମ୍ବାଇ: ବଲିଉଡ୍ର ସବୁଠୁ ଟ୍ୟାଲେଣ୍ଟେଡ୍ ଅଭିନେତ୍ରୀଙ୍କ ମଧ୍ୟରୁ ଆଲିଆ ହେଉଛନ୍ତି ଜଣେ। ସେ ଫିଲ୍ମ ‘ରାଜି’, ‘ଡିଅର ଜିନ୍ଦେଗୀ’, ‘କପୁର ଆଣ୍ଡ୍ ସନ୍ସ’ରେ ଅଭିନୟ କରି ଚର୍ଚ୍ଚାକୁ ଆସିଥିଲେ। ଏବେ ରଣବୀର କପୁରଙ୍କ ସହ ବିବାହକୁ ନେଇ ବି ସେ ଚର୍ଚ୍ଚାରେ ଅଛନ୍ତି। ଆଲିଆଙ୍କୁ ନେଇ ଏକ ବଡ଼ ଖବର ଏବେ ସାମ୍ନାକୁ ଆସିଛି।
ପ୍ରିୟଙ୍କା ଚୋପ୍ରା ଏବଂ ଦୀପିକା ପାଦୁକୋନଙ୍କ ପରେ ଆଲିଆ ଭଟ୍ଟ ହଲିଉଡ୍ରେ ଏଣ୍ଟ୍ରି କରିବାକୁ ପ୍ରସ୍ତୁତ ହେଉଛନ୍ତି। ଏକ ରିପୋର୍ଟ ଅନୁଯାୟୀ, ଆଲିଆଙ୍କୁ ହଲିଉଡ୍ର ଟ୍ୟାଲେଣ୍ଟ ଏଜେନ୍ସି ଡବ୍ଲ୍ୟୁଡବ୍ଲ୍ୟୁଉଇ(WWE) ତଥା ଓ୍ବିଲିୟମ ମୋରିସ୍ ଆଣ୍ଡେଭର ଏଣ୍ଟରଟେନ୍ମେଣ୍ଟରେ ସାଇନ୍ କରିଛନ୍ତି। ଏହା ଏକ ଆମେରିକୀୟ ଏଜେନ୍ସି ଯାହାକି କାଲିଫର୍ନିଆରେ ରହିଛି।
କୁହାଯାଉଛି, ୨୦୨୨ରେ ଆଲିଆ ହଲିଉଡ୍ ପ୍ରୋଜେକ୍ଟରେ କାମ କରିବେ। ନୂଆ ପୋଜେକ୍ଟକୁ ନେଇ ଆଲିଆ ଖୁବ୍ ଉତ୍ସାହିତ ଅଛନ୍ତି। ହଲିଉଡ୍ ଅଭିନେତ୍ରୀ ଜୋନିଫର ଲରେନ୍ସଙ୍କ ବହୁତ ବଡ଼ ପ୍ରଶଂସକ ହେଉଛନ୍ତି ଆଲିଆ। ତେଣୁ ସେ ତାଙ୍କ ପରି ଫିଲ୍ମ କରିବାକୁ ଚାହୁଁଛନ୍ତି।
ଏହା ବ୍ୟତୀତ ଆଲିଆ ବଲିଉଡ୍ରେ ଖୁବ୍ଶୀଘ୍ର ସଞ୍ଜୟ ଲୀଲା ଭଁସାଲୀଙ୍କ ଫିଲ୍ମ ‘ଗଙ୍ଗୁବାଇ କାଠିଆଓ୍ବାଡି’ରେ ନଜର ଆସିବେ। ଏଥିସହିତ ରଣବୀର ସିଂହଙ୍କ ସହ ‘ରକି ଏବଂ ରାନୀ କି କହାନୀ’ରେ ସେ କାମ କରୁଛନ୍ତି।
