ଚଣ୍ଡିଗଡ଼,୨୩।୪: ‘ଓ୍ବାରିସ ପଞ୍ଜାବ ଦେ’ର ମୁଖ୍ୟ ଅମୃତପାଲ ସିଂଙ୍କୁ ରବିବାର ପଞ୍ଜାବର ମୋଗା ଜିଲାରେ ରୋଡେ ଗାଁରୁ ଗିରଫ କରାଯାଇଛି। ଖଲିସ୍ତାନ ସମର୍ଥକ ଅମୃତପାଲ ପ୍ରାୟ ୩୫ ଦିନ ହେବ ଫେରାର ଥିଲେ।
ପୋଲିସ ମହାନିରିକ୍ଷକ ସୁଖଚୈନ ସିଂ ଗିଲ କହିଛନ୍ତି, ୩୦ ବର୍ଷିୟ ଅମୃତପାଲ ସିଂଙ୍କୁ ସକାଳ ପ୍ରାୟ ୬ଟା ୪୫ରେ ଗିରଫ କରାଯାଇଛି। ପୋଲିସ ତାଙ୍କୁ ରୋଡେ ଗାଁରେ ଘେରି ନେଇଥିଲେ ଓ ପରେ ସେ ଏଥିରୁ ବାହାରିବାର କୌଣସି ଉପାୟ ନ ଥିଲା।
ପୁଅ ଗରିଫ ହେବା ପରେ ଅମୃତପାଲଙ୍କ ମା’ ବଲବିନ୍ଦର କୌର ପ୍ରତିକ୍ରିୟା ଦେଇ କହିଛନ୍ତି, ଆମେ ଖବର ଦେଖିଲୁ ଓ ଜାଣିଲୁ ଯେ ସେ ଆତ୍ମସମର୍ପଣ କରିଛନ୍ତି। ସେ ତାଙ୍କ ପୁଅ ଉପରେ ଗର୍ବ କରନ୍ତି, କାରଣ ତାଙ୍କ ପୁଅ ହେଉଛନ୍ତି ଏକ ସିଂହ। ଆଉ ସେ ଜଣେ ଯୋଦ୍ଧା ଭାବେ ସରେଣ୍ଡର କରିଛନ୍ତି ବୋଲି ଅମୃତପାଲଙ୍କ ମାଆ କହିଛନ୍ତି। ଆମେ ଏଥର ଆଇନର ଲଢେଇ ଲଢିବୁ ଓ ଅମୃତପାଲଙ୍କୁ ଖୁବଶୀଘ୍ର ଦେଖା କରିବୁ ବୋଲି ବଲବିନ୍ଦର କୌର କହିଛନ୍ତି। ଏପଟେ ଅମୃତପାଲ ସିଂଙ୍କ ପିତା ତରସେମ ସିଂ କହିଛନ୍ତି କି ମୋ ପୁଅ ନିଶା ବିରୋଧରେ ଲଢୁଛି।