ମୁମ୍ବାଇ: ବଲିଉଡ୍ ଜଗତରେ ଏମିତି କେତେଜଣ ହାତ ଗଣତି କଳାକାର ଦେଖିବାକୁ ମିଳନ୍ତି ଯେଉଁମାନେ ନିଜ ଲୁକ୍ସ ଅପେକ୍ଷା ନିଜ କ୍ୟାରିୟର ଉପରେ ଅଧିକ ଧ୍ୟାନ ଦିଅନ୍ତି। କିନ୍ତୁ ଅଭିନେତ୍ରୀଙ୍କ ଲୁକ୍ସ ଓ ଫିଗର ତାଙ୍କ କ୍ୟାରିୟରର ପ୍ରଥମ ପାହାଚ ହୋଇଥାଏ ବୋଲି କୁହାଯାଏ। କିନ୍ତୁ କେତେଜଣ ଅଭିନେତ୍ରୀ ଏହାକୁ ଭୁଲ୍ ପ୍ରମାଣିତ କରିଛନ୍ତି ଆଉ ସେମାନଙ୍କ ମଧ୍ୟରେ ଭୂମି ପେଡେନେକର ଅନ୍ୟତମ ବୋଲି କୁହାଯାଏ। ସେ ସବୁବେଳେ ଏମିତି ଚରିତ୍ର ବାଛନ୍ତି ଯାହାଦ୍ୱାରା ସେ ନିଜକୁ ଜଣେ ବେଷ୍ଟ ଆକ୍ଟ୍ରେସ ବୋଲି ପ୍ରମାଣ କରିପାରୁ ଥିବେ। ୧୮ ଜୁଲାଇ ୧୯୮୯ରେ ଜନ୍ମଗ୍ରହଣ କରିଥିବା ଏହି ଅଭିନେତ୍ରୀ ନିଜର ସ୍ବତନ୍ତ୍ର ଶୈଳିପାଇଁ ବେଶ୍ ଚର୍ଚ୍ଚିତ। ୩୧ ବର୍ଷରେ ପଦାର୍ପଣ କରିଥିବା ଏହି ନାୟିକା ୨୦୧୫ରେ ମୁଭି ‘ଦମ୍ ଲଗାଗେ ହୈଇସା’ରେ ଅଭିନୟ କରିବାକୁ ନିଜର ଓଜନ ବୃଦ୍ଧି କରିଥିଲେ। ହେଲେ ଏବେ ତାଙ୍କର ଫ୍ୟାଟ ଟୁ ଫିଟ୍ ଲୁକ୍ ଦେଖିଲେ ଏହା ଆଦୌ ଜଣାପଡେ ନାହିଁ। ଏବେ ଭୂମି ସମ୍ପୂର୍ଣ୍ଣ ରୂପେ ଫିଟ୍ ଓ ସ୍ଲିମ ଦେଖାଯାଉଛନ୍ତି। ତେବେ ଭୂମିଙ୍କର ଏହି ଏକାଗ୍ରତା ତାଙ୍କୁ ପ୍ରଥମ ଫିଲ୍ମ ‘ଦମ୍ ଲଗାଗେ ହୈଇସା’ ପାଇଁ ବେଷ୍ଟ ଫିମେଲ ଡେବ୍ୟୁ ଆଓ୍ବାର୍ଡ ଆଣି ଦେଇଥିଲା। ଏହାପରେ ସେ ଆଉ ପଛକୁ ଫେରି ଦେଖି ନାହାନ୍ତି। ଏହାପରେ ସେ ବାଲା, ଟଏଲେଟ: ଏକ ପ୍ରେମ କଥା, ଶୁଭ ମଙ୍ଗଳ ସାବଧାନ, ସାଣ୍ଢ କି ଆଁଖ, ପତି ପତ୍ନୀ ଓ୍ବର ଓ୍ବ, ସୋନ ଚିଡିୟା ଆଦି ଫିଲ୍ମରେ ଅଭିନୟ କରି ସାରିଲେଣି।