ବୁଲନ୍ଦସର,୩ ।୨: ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହ ଗୁରୁବାର କହିଛନ୍ତି ଯେ ଉତ୍ତର ପ୍ରଦେଶରେ ଭାରତୀୟ ଜନତା ପାର୍ଟି(ଭାଜପା) ପୁଣିଥରେ ସରକାର ଗଠନ କରିବ । ଦଳ ଦୁଇ ତୃତୀୟାଂଶ ଭୋଟ ସହ ସଂଖ୍ୟାଗରିଷ୍ଠତା ପାଇ ଶାସନ ଡୋର ହାତକୁ ନେବ ବୋଲି ସେ କହିଛନ୍ତି । ଗୁରୁବାର ଉତ୍ତରପ୍ରଦେଶ ବୁଲନ୍ଦସରରେ ଏକ ଜନସଭାକୁ ସମ୍ବୋଧନ ଦେବା ଅବରରେ ସେ ଏହା କହିଛନ୍ତି । ଶାହ ଆହୁରି ମଧ୍ୟ କହିଛନ୍ତି, ମୁଁ ନିଶ୍ଚିତ ଯେ ଉତ୍ତର ପ୍ରଦେଶରେ ପ୍ରଧାନମନ୍ତ୍ରୀଙ୍କ ନେତୃତ୍ୱରେ ଭାଜପା ପୁଣିଥରେ ବିଜୟୀ ହେବ ଓ ଯୋଗୀ ଆଦିତ୍ୟନାଥ ପୁଣିଥରେ ମୁଖ୍ୟମନ୍ତ୍ରୀ ହୋଇ ରାଜ୍ୟକୁ ଶାସନ କରିବେ ।
ଶାହା ଆହୁରି କହିଛନ୍ତି ଉତ୍ତର ପ୍ରଦେଶର ମାଫିଆ ମାନେ ଜେଲରେ ଥିବେ କିମ୍ବା ରାଜ୍ୟ ଛାଡି ଚାଲିଯାଇଥିବେ । ନଚେତ୍ ସମାଜବାଦୀ ପାର୍ଟି ତ୍ପ୍ରାର୍ଥି ତାଲିକାରେ ସେମାନଙ୍କ ନାମ ଥିବ । ଗତ ୫ ବର୍ଷର ଭାଜପା ଶାସନ ପରେ ରାଜ୍ୟରେ ମାଫିଆ ନାହାନ୍ତି କହିଲେ ଚଳେ । ଏବେ ରାଜ୍ୟରେ ମାଆ ଭଉଣୀମାନେ ସହରରେ ନିଜକୁ ସୁରକ୍ଷିତ ଭାବୁଛନ୍ତି ।