ବାହାଘର ସିଜନ୍ରେ ୟୁନିକ ଦେଖାଯିବାକୁ କିଏ ନ ଚାହେଁ। ହଳଦୀ ବିଧି, ସଙ୍ଗୀତ, ମେହେନ୍ଦୀଠାରୁ ଆରମ୍ଭ କରି ବାହାଘର ପର୍ଯ୍ୟନ୍ତ ସବୁ କାର୍ଯ୍ୟକ୍ରମରେ ଟ୍ରେଣ୍ଡି ଆଉ ୟୁନିକ ଦେଖାଯିବାକୁ ଚାହୁଁଥିଲେ ଏହିପରି ଷ୍ଟାଇଲିସ୍ ଲୁକ୍ରେ ସଜେଇ ହୁଅନ୍ତୁ…
ହଳଦୀ ବିଧି ସମୟରେ ଅଧିକାଂଶ ହଳଦିଆ ଲୁଗା ପିନ୍ଧିଥାନ୍ତି। ତେବେ ନୂଆ ଲୁକ୍ରେ ଦେଖାଯିବାକୁ ଏହି ସମୟରେ ସିଫନ୍ ଶାଢ଼ି କିମ୍ବା ଅଲଗା ଫ୍ୟାବ୍ରିକର ହାଲୁକା ରଙ୍ଗର ଲାଇଟ୍ ଶାଢ଼ି ପିନ୍ଧିପାରିବେ। ଏହାଛଡ଼ା ଚୁନରି ପ୍ରିଣ୍ଟ କିମ୍ବା ଫ୍ଲୋରାଲ୍ ପ୍ରିଣ୍ଟର ଶାଢ଼ି ଏହି ଦିନରେ ଗର୍ଜିୟସ ଲୁକ୍ ଦେବ। ଆପଣ ୟୁନିକ ଦେଖାଯିବା ସହ ସୁନ୍ଦର ଲାଗିବେ।
ମେହେନ୍ଦୀ କାର୍ଯ୍ୟକ୍ରମରେ ଷ୍ଟାଇଲିସ ଦେଖାଯିବା ପାଇଁ ପେପଲମ ବ୍ଲାଉଜ କିମ୍ବା କ୍ରପ୍ ଟପ୍ ସହ ପ୍ଲାଜୋ ପିନ୍ଧି ପାରିବେ। ଏଥେନିକ ଲୁକ ଦେବା ପାଇଁ ସ୍ଲିଭ୍ଲେସ୍ କୁର୍ତ୍ତା ସହ ସରାରା ମଧ୍ୟ ଟିମଅପ୍ କରିପାରିବେ। ମେହେନ୍ଦୀରେ ଟ୍ରାଡିଶନାଲ ଗେଟଅପ୍ ସହ ଆପଣ ଟ୍ରେଣ୍ଡି ଦେଖାଯିବେ। ଗ୍ରୀନ, ବ୍ଲୁ କିମ୍ବା ଡାର୍କ କଲର୍ର ଡ୍ରେସ୍ ମେହେନ୍ଦୀରେ ପିନ୍ଧନ୍ତୁ।
ବିବାହ ପୂର୍ବରୁ ସଙ୍ଗୀତ ଉତ୍ସବରେ ଆପଣ ହେଭି ଅନାରକଲୀ ସୁଟ, ହାଲ୍କା ପ୍ରିଣ୍ଟ ବା ଏମ୍ରୋଡରି ଥିବା ଲେହେଙ୍ଗା ପିନ୍ଧିପାରିବେ। ଆପଣ ବେବି ପିଙ୍କ, ମଲ୍ଟି କଲର କିମ୍ବା ବ୍ଲୁ କଲରର ଲେହେଙ୍ଗା ପିନ୍ଧନ୍ତୁ, ବେଶ୍ ସୁନ୍ଦର ଲାଗିବ। ବାହାଘରର ସବୁ ଫଙ୍କସନରେ ଆପଣ ହେଭି ମେକଅପ କରିଲେ ଭଲ ଲାଗିବ ମାତ୍ର ସଙ୍ଗୀତରେ ହାଲ୍କା ମେକଅପ ସହ ଅନାରକଲୀରେ ଆପଣ ଷ୍ଟାଇଲିସ୍ ଦେଖାଯିବେ।
ବାହାଘର ଦିନ ଅଧିକାଂଶ ଲେହେଙ୍ଗା କିମ୍ବା ହେଭି ଶାଢ଼ି ପିନ୍ଧିଥାନ୍ତି। ମହିଳାମାନେ ସାଧାରଣତଃ ଏହି ଦିନ ଲାଲ୍ କିମ୍ବା ମେରୁନ୍ ରଙ୍ଗର ଶାଢ଼ି ବା ଲେହେଙ୍ଗା ହିଁ ପିନ୍ଧନ୍ତି । ମାତ୍ର ଆପଣ ୟୁନିକ ଦେଖାଯିବାକୁ ଚାହୁଁଥିଲେ ଅଲଗା କଲର ବାଛନ୍ତୁ। ରାଜସ୍ଥାନୀ, ମହାରାଷ୍ଟ୍ର, ପଞ୍ଜାବୀ ଷ୍ଟାଇଲର ଲୁକ୍ରେ ବ୍ରାଇଡାଲ ମେକଅପ୍ ନେଇପାରିବେ।