ନୂଆଦିଲ୍ଲୀ,୧୦।୧୨ : ଶିଶୁଙ୍କ ପ୍ରତି ବୃଦ୍ଧି ପାଉଥିବା ଯୌନ ଅପରାଧକୁ ନେଇ ଭାରତର ପ୍ରଧାନ ବିଚାରପତି ଡି. ଓ୍ବାଇ ଚନ୍ଦ୍ରଚୂଡ଼ ଶନିବାର ଦିନ ଏକ କାର୍ଯ୍ୟକ୍ରମରେ କହିଛନ୍ତି ଏହା ଏକ ଲୁକ୍କାୟିତ ସମସ୍ୟା। ଏହା ଜାଣିବା ପରେ ମଧ୍ୟ ଲୋକମାନେ ଏହା ଉପରେ ନୀରବ ରୁହନ୍ତି। ତେଣୁଏନେଇ ରିପୋର୍ଟ କରିବାକୁ ପରିବାର ସଦସ୍ୟଙ୍କୁ ଉତ୍ସାହିତ କରିବା ଲାଗି ରାଜ୍ୟ ସରକାର ଆଗକୁ ଆସିବା ଜରୁରୀ।
ସିଜେଆଇ କହିଛନ୍ତି, ଶିଶୁ ଯୌନ ଶୋଷଣକୁ ରୋକିବା ଏବଂ ଏହାର ଠିକ ସମୟରେ ଚିହ୍ନଟ ତଥା ପ୍ରତିରୋଧ ସମ୍ବନ୍ଧୀୟ ଆଇନ ବିଷୟରେ ସଚେତନତା ସୃଷ୍ଟି କରିବା ଜରୁରୀ ଅଟେ। ପିଲାମାନଙ୍କୁ ସୁରକ୍ଷିତ ସ୍ପର୍ଶ ଏବଂ ଅସୁରକ୍ଷିତ ସ୍ପର୍ଶ ମଧ୍ୟରେ ପାର୍ଥକ୍ୟ ଶିକ୍ଷା ଦିଆଯିବା ଉଚିତ। ଶିଶୁ ଅଧିକାର କର୍ମୀମାନେ ଅଭିଭାବକମାନଙ୍କୁ ଅନୁରୋଧ କରୁଛନ୍ତି ଯେ ସୁରକ୍ଷିତ ଏବଂ ଅସୁରକ୍ଷିତ ଶବ୍ଦ ବ୍ୟବହାର କରନ୍ତୁ କାରଣ ଭଲ ଏବଂ ଖରାପ ଶବ୍ଦର ନୈତିକ ପ୍ରଭାବ ରହିଛି ଏବଂ ସେମାନଙ୍କୁ ତାହାର ଅପବ୍ୟବହାର ରିପୋର୍ଟରେ ନିବୃତ୍ତ କରିପାରେ।
କାର୍ଯ୍ୟନିର୍ବାହୀ ନ୍ୟାୟପାଳିକା ସହିତ ହାତ ମିଳାଇବା ଉଚିତ ଯାହା ଦ୍ୱାରା ଯୌନ ଅପରାଧ ଘଟିବ ନାହିଁ। ସେ କହିଥିଲେ ଯେ ପୋକ୍ସା ଆକ୍ଟ ୧୮ ବର୍ଷରୁ କମ ବୟସ୍କଙ୍କ ମଧ୍ୟରେ ଥିବା ସମସ୍ତ ଯୌନ ନିର୍ଯାତନାକୁ ଅପରାଧ ଶ୍ରେଣୀଭୁକ୍ତ କରିଥାଏ। ଯଦିଓ ନାବାଳିକାଙ୍କର ଏଥିରେ ସହମତି ଥିଲେ ମଧ୍ୟ ଆଇନ ଅନୁସାରେ ଏହା ଅପରାଧ। କାରଣ ଆଇନ ଅନୁସାରେ ୧୮ ବର୍ଷରୁ କମ ବୟସ୍କଙ୍କର କୌଣସି ସହମତିକୁ ଗ୍ରହଣ କରାଯାଇ ନ ଥାଏ।