ଦୁବାଇ,୨୧।୧୨: ମୁମ୍ବାଇ ଇଣ୍ଡିଆନ୍ସର ଅଧିନାୟକ ପଦରୁ ରୋହିତ ଶର୍ମାଙ୍କୁ ହଟାଇ ଦିଆଯାଇଛି। ଏନେଇ ଘୋଷଣା ହେବା ପରେ ପ୍ରଶଂସକମାନେ ନିରାଶ ହୋଇଛନ୍ତି। ଆଇପିଏଲ୍ର ଅକ୍ସନ ସମୟରେ ମଧ୍ୟ ଜଣେ ପ୍ରଶଂସକ ‘ରୋହିତଙ୍କୁ ଫେରାଇ ଆଣ’ ବୋଲି ଚିତ୍କାର କରିଥିଲେ। ଏହାର ଜବାବ ଦେଇଥିଲେ ଆକାଶ ଅମ୍ବାନୀ।
ଗତ ୧୧ ସିଜନରେ ଅଧିନାୟକ ଭାବେ ମୁମ୍ବାଇକୁ ୫ ଟାଇଟଲ ଜିତାଇବାରେ ସଫଳ ହୋଇଥିଲେ ରୋହିତ। ହେଲେ ହଠାତ ତାଙ୍କ ସ୍ଥାନରେ ହାର୍ଦ୍ଦିକଙ୍କୁ ସୁଯୋଗ ଦିଆଯିବା ପରେ ମୁମ୍ବାଇର ପ୍ରଶଂସକ ଖୁସି ନାହାନ୍ତି। ଅନେକ ଏହି ଘୋଷଣାକୁ ଶୁଣିବା ପରେ ମୁମ୍ବାଇକୁ ଅନ୍ଫଲୋ କରିଦେଇଥିଲେ। ଏପରିକି ଲୋକେ ମୁମ୍ବାଇ ଜର୍ସି ଜଳାଇବାର ଭିଡିଓ ସାମ୍ନାକୁ ଆସିଥିଲା।
ଆଇପିଏଲ୍ ଅକ୍ସନ ସମୟରେ ଯେତେବେଳେ ଜଣେ ପ୍ରଶଂସକ ରୋହିତଙ୍କୁ ଫେରାଇ ଆଣିବାକୁ କହିଥିଲେ ସେତେବେଳେ ଜବାବ ଦେଇ ଆକାଶ କହିଥିଲେ, ‘ଚିନ୍ତା କର ନାହିଁ, ସେ ବ୍ୟାଟିଂ କରିବେ’। ତେବେ ଏହି ଘଟଣାର ଭିଡିଓ ଉପଲବ୍ଧ ନ ଥିଲେ ହେଁ ମଙ୍ଗଳବାର ଦଳର ଏକ୍ସ ଆକାଉଣ୍ଟରୁ ତାହା ସତ୍ୟ ବୋଲି କୁହାଯାଇଛି।
𝘊𝘩𝘪𝘯𝘵𝘢 𝘮𝘢𝘵 𝘬𝘢𝘳𝘰 𝘸𝘰𝘩 𝘣𝘢𝘵𝘵𝘪𝘯𝘨 𝘬𝘢𝘳𝘦𝘨𝘢 💙#OneFamily #MumbaiIndians #IPLAuction pic.twitter.com/fNWLiWpgJS
— Mumbai Indians (@mipaltan) December 19, 2023
କହିରଖୁଛୁ, ୨୦୧୫ରେ ୧୦ ଲକ୍ଷ ଟଙ୍କାରେ ମୁମ୍ବାଇ ହାର୍ଦ୍ଦିକଙ୍କୁ କିଣିଥିଲା। ସେ ୨୦୨୨ରେ ମୁମ୍ବାଇ ଦ୍ୱାରା ରିଟେନ କରା ନ ଯିବା ପରେ ଗୁଜରାଟରେ ସାମିଲ ହୋଇଥିଲେ। ଦଳର ଅଧିନାୟକ ଭାବେ ସେ ପ୍ରଥମ ସିଜନ୍ରେ ହିଁ ଟାଇଟଲ ଜିତି ଇତିହାସ ରଚିଥିଲେ। ଏହାପରେ ୨୦୨୩ ଅକ୍ସନ ଠିକ୍ ପୂର୍ବରୁ ସେ ପୁଣିଥରେ ମୁମ୍ବାଇ ସହ ଯୋଡ଼ି ହୋଇଥିଲେ। ତୁରନ୍ତ ତାଙ୍କୁ ରୋହିତଙ୍କ ସ୍ଥାନରେ ଅଧିନାୟକ ଭାବେ ନିଯୁକ୍ତ କରାଯାଇଛି।
