ନୂଆଦିଲ୍ଲୀ,୪ ।୯: କଂଗ୍ରେସ ଲଗାତାର ଭାବରେ ଅସନ୍ତୁଷ୍ଟ ନେତାଙ୍କୁ ସନ୍ତୁଷ୍ଟ କରିବାକୁ ଚେଷ୍ଟା ଜାରି ରଖିଛି । ଏହାପରେ ବି ନେତାଙ୍କ ମଧ୍ୟରେ ଅଶାନ୍ତି ବଢିବାରେ ଲାଗିଛି । ଏବେ ବଲିଉଡ ଅଭିନେତା ତଥା କଂଗ୍ରେସ ନେତା ରାଜ ବବ୍ୱର ମୋଦି ସରକାରଙ୍କୁ ଯେଉଁଭଳି ଖୋଲାଖୋଲି ଭାବେ ପ୍ରଶଂସା କରିଛନ୍ତି, ସେଥିରୁ ସହଜରେ ଅନୁମାନ କରାଯାଉଛି କି କଂଗ୍ରେସର ଅଧିକାଂଶ ନେତା ଦଳ ଉପରେ ଖୁସି ନାହାନ୍ତି । ଏମିତିକି ରାଜ ବବ୍ୱର ମୋଦି ସରକାରଙ୍କୁ ମନମୋହନ ସିଂ ସରକାରଙ୍କ ସହ ତୁଳନା କରିଛନ୍ତି ।
ସୂଚନାଯୋଗ୍ୟ, କଂଗ୍ରେସ ନେତା ରାଜ ବବ୍ୱର ଭାରତୀୟ ଜନତା ପାର୍ଟି(ଭାଜପା) ସରକାରଙ୍କ ‘ପ୍ରଧାନମନ୍ତ୍ରୀ ଜନ ଧନ ଯୋଜନା’ର ପ୍ରଶଂସା କରି ଟୁଇଟ କରିଛନ୍ତି । ଏଥିରେ ସେ ଏବେକାର ସରକାରଙ୍କୁ ମନୋମୋହନ ସିଂ ସରକାରଙ୍କ ସହ ତୁଳନା କରିଛନ୍ତି । ସେ କହିଛନ୍ତି ପିଏମ ‘ଜନ ଧନ ଯୋଜନା’କୁ ୮ ବର୍ଷ ପୂରଣ ହୋଇଛି । ଲୋକଙ୍କ ପାଖରେ ଟଙ୍କା ଓ ସାହାଯ୍ୟ କାହାର ଦଖଲ ବିନା ସିଧାସଳଖ ପହଞ୍ଚୁଛି, ଏହା କାନ୍ତି । ରାଜ ବବ୍ୱର କହିଛନ୍ତି, ଏଥିରୁ ଅଧାରୁ ଅଧିକ ଆକାଉଣ୍ଟ ମହିଳାଙ୍କ ନାଁରେ ରହିଛି । ଏମିତି ଯୋଜନା ‘ଆପକା ପୈସା ଆପକେ ହାଥ‘ ନାମରେ ମନମୋହନ ସରକାର ବି ଆରମ୍ଭ କରିଥିଲେ । ହେଲେ ଏବେକାର ସରକାର ଭଲ କରିଛନ୍ତି । ସୂଚନାଯୋଗ୍ୟ, କଂଗ୍ରେସର ଅସନ୍ତଷ୍ଟ ନେତାଙ୍କ ସହ ଦଳ ମୁଖିଆ ବାରମ୍ବାର ବୈଠକ କରୁଥିଲେ ସୁଦ୍ଧା ଏହାର କୌଣସି ପ୍ରଭାବ ପଡୁ ନ ଥିବା ଲକ୍ଷ୍ୟ କରାଯାଉଛି । କାରଣ ଏବେ ଅସନ୍ତୁଷ୍ଟ ନେତାମାନେ ବିନା ଦ୍ୱିଧାରେ ମୋଦି ସରକାରଙ୍କର ପ୍ରଶଂସା କଲେଣି ।