ନୂଆଦିଲ୍ଲୀ , ୧୩।୦୭: ଭାରତୀୟ ଟିମ୍ର ନୂଆ ଫିନିସର୍ ରିଙ୍କୁ ସିଂଙ୍କ ଏକ ଭିଡିଓ ଏବେ ଭାଇରାଲ୍ ହୋଇଛି । ଯେଉଁଥିରେ ଭାରତର ଏହି ଖେଳାଳିଙ୍କ ସହ ଜଣେ ଝିଅ ନଜର ଆସୁଛନ୍ତି । ରିଙ୍କୁ ବର୍ତ୍ତମାନ ଟିମ୍ ଇଣ୍ଡିଆ ସହ ରହିଛନ୍ତି । ଜିମ଼୍ବାୱୋ ବିପକ୍ଷ ସିରିଜ୍ ପାଇଁ ଭାରତୀୟ ଟିମ୍ ଏବେ ଜିମ଼୍ବାୱେରେ ରହିଛି । ୫ ମ୍ୟାଚ୍ ବିଶିଷ୍ଟ ଏହି ସିରିଜ୍ରେ ଭାରତ ୨-୧ରେ ଆଗୁଆ ରହିଛି । ଦଳ ପ୍ରଥମ ମ୍ୟାଚ୍ ହାରିବା ପରେ ପରବର୍ତ୍ତୀ ଦୁଇ ମ୍ୟାଚ୍ରେ ବିଜୟୀ ହୋଇଥିଲା । ରିଙ୍କୁ ସିରିଜ୍ର ଦ଼୍ବିତୀୟ ମ୍ୟାଚ୍ରେ ୨୨ ବଲ୍ରେ ୪୮ ରନ୍ର ପାଳି ଖେଳି ଦଳକୁ ଜିତାଇବାରେ ମୁଖ୍ୟ ଭୂମିକା ଗ୍ରହଣ କରିଥିଲେ ।
ରିଙ୍କୁ ସାଥୀ ଖେଳାଳିଙ୍କ ସହ ଫାଙ୍କା ସମୟରେ ଏକ ଚିଡ଼ିଆଖାନା ବୁଲିବାକୁ ଯାଇଥିଲେ । ଏହି ସମୟରେ ସେ ଫଟୋ ଉଠାଇବା ସହ ଭିଡିଓ ମଧ୍ୟ ଉତ୍ତୋଳନ କରିଥିଲେ । ଏଥିମଧ୍ୟରେ ଜଣେ ଝିଅ ରିଙ୍କୁଙ୍କ ସହ ସେଲ୍ଫି ଭିଡିଓ ପ୍ରସ୍ତୁତ କରିଥିଲେ । ଯାହାକି ଏବେ ଭାଇରାଲ୍ ହେଉଛି । ଏହି ଝିଅ ଜଣଙ୍କ ଆଉ କେହି ନୁହନ୍ତି, ସେ ଅଧିନାୟକ ଶୁଭମନ ଗିଲ୍ଙ୍କ ଭଉଣୀ ଶହନୀଲ ଗିଲ୍ । ତେବେ ଏହି ଭିଡିଓରେ ଦୁହିଁଙ୍କ ମଧ୍ୟରେ ଭଲ ବନ୍ଧୁତ଼୍ବ ରହିଥିବା ଦେଖିବାକୁ ମିଳୁଛି ।