ନୂଆଦିଲ୍ଲୀ,୨୮।୬: ଦେଶରେ କରୋନା ସଂକ୍ରମଣ ଯୋଗୁ ସ୍ଥିତିରେ ଧୀରେଧୀରେ ସୁଧାର ଆସୁଛି। ତେବେ ଦେଶ ଉପରେ ନୂଆ ବିପଦ ଘନେଇବାରେ ଲାଗିଛି। ଏପରିସ୍ଥଳେ ସ୍ବାସ୍ଥ୍ୟ ବିଶେଷଜ୍ଞ ୪ ଭାରିଆଣ୍ଟ୍ ନେଇ ସତର୍କ ସୂଚନା ଜାରି କରିଛନ୍ତି। ଡେଲ୍ଟା( ବି-୧-୬୧୭-୧), ଡେଲ୍ଟା ପ୍ଲସ୍( ବି-୧-୬୧୭-୨), ଲାମ୍ବ୍ଡା ଏବଂ କାପ୍ପା ଆଦି ଭାରିଆଣ୍ଟ୍ ଯୋଗୁ ଭାରତ ସମେତ ପୃଥିବୀର ଅନ୍ୟ ଦେଶର ସ୍ଥିତି ସଙ୍କଟ ଜନକ ହେବାର ଆଶଙ୍କା ଥିବା ହାଇଦ୍ରାବାଦ୍ର ଯଶୋଦା ହସ୍ପିଟାଲର ସ୍ବାସ୍ଥ୍ୟ ବିଶେଷଜ୍ଞ ଡ.ବିଘ୍ନେଶ ନାଇଡୁ ଓ୍ବାଇ ସୂଚନା ଦେଇଛନ୍ତି। ସେହିପରି ଇତିମଧ୍ୟରେ ବି-୧-୬୧୭-୩ ଚିହ୍ନଟ ହୋଇଥିଲେ ମଧ୍ୟ ଏହାର ନାମ କରଣ କରାଯାଇ ନାହିଁ। ଏସବୁ ଭାରିଆଣ୍ଟ୍ର ଜିନୋମ୍ ସିକ୍ୱେନ୍ସିଂ ଉପରେ ଦୃଷ୍ଟି ରଖିବା ଗୁରୁତ୍ୱପୂର୍ଣ୍ଣ ବୋଲି ପବ୍ଳିକ୍ ହେଲଥ୍ ଇଂଲଣ୍ଡର ବରିଷ୍ଠ ଜେନେଟିକଷ୍ଟ୍ ଡ. ଏମ୍.ଖାଜା କହିଛନ୍ତି। ତୀବ୍ରବେଗରେ ସଂକ୍ରମିତ ହେଉଥିବା ଭାରିଆଣ୍ଟ୍ ଉପରେ କଡ଼ା ନଜର ରଖାଗଲେ କରୋନାକୁ ହରାଇବା ସହଜ ହେବ ବୋଲି ସେ କହିଛନ୍ତି।
