ନୂଆଦିଲ୍ଲୀ,୨୫।୪: ଏପ୍ରିଲ ୨୬ରେ ଦିଲ୍ଲୀରେ ଅନୁଷ୍ଠିତ ହେବାକୁ ଥିବା ମ୍ୟୁନିସିପାଲିଟି କର୍ପୋରେସନ ମେୟର ଏବଂ ଡେପୁଟି ମେୟରଙ୍କ ପାଇଁ ନିର୍ବାଚନ ସ୍ଥଗିତ ରଖାଯାଇଛି। ଏହାର କାରଣ ହେଉଛି, ମେୟର ନିର୍ବାଚନ ପରିଚାଳନା ପାଇଁ ପ୍ରିଜାଇଡିଂ ଅଫିସର ଏପର୍ଯ୍ୟନ୍ତ ନିଯୁକ୍ତ ହୋଇନାହାଁନ୍ତି। ଯେଉଁଠାରେ ନିର୍ବାଚନ ଆୟୋଗ ଏହି ନିର୍ବାଚନ ସମ୍ପର୍କରେ ଅନୁମୋଦନ ଦେଇଛନ୍ତି। ଲୋକ ସଭା ନିର୍ବାଚନ ସମୟରେ ହେବାକୁ ଥିବା ଏହି ମେୟର ଏବଂ ଡେପୁଟି ମେୟର ନିର୍ବାଚନକୁ ନେଇ ଆୟୋଗର କୌଣସି ଆପତ୍ତି ନାହିଁ ବୋଲି ନିର୍ବାଚନ ଆୟୋଗ ତାଙ୍କ ଚିଠିରେ ଲେଖିଛନ୍ତି।
ଏହା ସତ୍ତ୍ୱେ ମେୟର ଏବଂ ଡେପୁଟି ମେୟରଙ୍କ ନିର୍ବାଚନ ଝୁଲି ରହିଥିଲା। ଏଥିପାଇଁ ଏମସିଡି ମଧ୍ୟ ଏକ ଆନୁଷ୍ଠାନିକ ବିଜ୍ଞପ୍ତି ଜାରି କରିଛି। ମେୟର ନିର୍ବାଚନ ପାଇଁ ପ୍ରିଜାଇଡିଂ ଅଫିସର ନିଷ୍ପତ୍ତି ହୋଇ ନ ଥିବାରୁ ନିର୍ବାଚନକୁ ସ୍ଥଗିତ ରଖାଯାଇଥିବା ନୋଟିସରେ ଏହା ଲେଖାଯାଇଛି। ଯଦିଓ ଏମସିଡି ହାଉସ ବୈଠକ ୨୬ ଏପ୍ରିଲ ଅର୍ଥାତ୍ ଶୁକ୍ରବାର ଅନୁଷ୍ଠିତ ହେବ, ତଥାପି ମେୟର ଏବଂ ଡେପୁଟି ମେୟର ନିର୍ବାଚନ ହେବ ନାହିଁ ବୋଲି ଜଣାପଡିଛି।