ଅକଲାଣ୍ଡ,୨।୧୨: ଡେଭିଡ ମଲାନ ଏବଂ ଜୋଶ ବଟଲରଙ୍କ ଅର୍ଦ୍ଧଶତକୀୟ ଇନିଂଶ ଆଧାରରେ ତୃତୀୟ ଟି -୨୦ ମ୍ୟାଚରେ ଦକ୍ଷିଣ ଆଫ୍ରିକାକୁ ୯ ଉଇକେଟରେ ପରାସ୍ତ କରି ଇଂଲଣ୍ଡ ଏହି ସିରିଜକୁ ହାତେଇଛି। ପ୍ରଥମେ ବ୍ୟାଟିଂ କରି ଦକ୍ଷିଣ ଆଫ୍ରିକା ନିର୍ଦ୍ଧାରିତ ଓଭରରେ ୩ ଉଇକେଟ ହରାଇ ୧୯୧ ରନ କରିଥିଲା। ୧୯୨ ରନ ଜବାବରେ ଇଂଲଣ୍ଡ ୧୭.୪ ଓଭରରେ ଗୋଟିଏ ଉଇକେଟ ହରାଇ ଲକ୍ଷ୍ୟ ହାସଲ କରିଥିଲା। ୨୫ ରନରେ ଜେସନ ରୟ ଭାବରେ ଇଂଲଣ୍ଡ ପ୍ରଥମ ଉଇକେଟ ହରାଇଥିଲା। ଏହା ପରେ ବଟଲର ଏବଂ ମାଲାନଙ୍କ ମଧ୍ୟରେ ଏକ ଶତକୀୟ ଭାଗିଦାରୀ ହୋଇଥିଲା। ୪୬ ବଲରେ ବଟଲର୍ ୬୭ ରନ ସଂଗ୍ରହ କରିଥିବାବେଳେ ମଲାନ ୪୭ଟି ବଲରୁ ୧୧ ଚୌକା ଓ ୫ ଛକା ସହ ଅପରାଜିତ ୯୯ ରନ କରିଥିଲେ। ଶତକ କରିବାକୁ ମାଲାନଙ୍କର ଏକ ବଡ଼ ସୁଯୋଗ ଥିଲା। ତାଙ୍କ ପାଖରେ ବଲ ମଧ୍ୟ ଥିଲା, କିନ୍ତୁ ଭୁଲ ଯୋଜନା ହେତୁ ସେ ଏକ ଶତକରୁ ବଞ୍ଚିତ ହୋଇଥିଲେ। ସୂଚନାଯୋଗ୍ୟ, ଶତକ ପୂରଣ କରିବା ପାଇଁ ମାଲାନଙ୍କୁ ଦୁଇଟି ରନ ଆବଶ୍ୟକ ଥିଲା, ସେତେବେଳେ ସେ ଭୁଲି ଯାଇଥିଲେ ଯେ ସେ ୯୮ ରନ ବ୍ୟାଟିଂ କରୁଥିଲେ ଏବଂ ସେ ୧୮ତମ ଓଭରର ଚତୁର୍ଥ ବଲରେ ସିଙ୍ଗ୍ଲ ନେଇ ଇଂଲଣ୍ଡକୁ ବିଜୟ ପ୍ରଦାନ କରିଥିଲେ। ଏହି ସିଙ୍ଗଲ ପୂର୍ବରୁ ସେ ତୃତୀୟ ବଲରେ ଚୌକା ଏବଂ ଦ୍ୱିତୀୟ ବଲରେ ୬କା ମାରିଥିଲେ। ଏଭଳି ଫର୍ମ ଦେଖି ଜଣାପଡୁଥିଲା ଯେ ସେ ସହଜରେ ଚୌକା ବି ଛକା ମାରି ଶତକ ପୂରଣ କରିବେ, କିନ୍ତୁ ସେ ସିଙ୍ଗଲ ନେଇ ଦଳକୁ ଜିତାଇଥିଲେ। ଯାହା ଦେଖି ସମସ୍ତେ ଆଶ୍ଚର୍ଯ୍ୟ ହୋଇଥିଲେ।