ପ୍ରୟାଗରାଜ,୨୭।୧୦: ୟୁପିର ପ୍ରୟାଗରାଜରେ ଗୁରୁବାର ସକାଳେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ସୋରେନ ପୋଲିସ ଷ୍ଟେଶନ ପରିସରରେ ଥିବା ଶିବଗଡରୁ ବିନ୍ଧ୍ୟାଞ୍ଚଳ ଦର୍ଶନ ପାଇଁ ଯାଉଥିବା ଭକ୍ତଙ୍କ ଟାଭେରା କାର ଏକ ବିଦ୍ୟୁତ ପୋଲ ସହିତ ମୁହାଁମୁହିଁ ଧକ୍କା ହୋଇଥିଲା। ଏହି ଦୁର୍ଘଟଣାରେ ଟାଭେରା କାରରେ ଯାତ୍ରା କରୁଥିବା ଗୋଟିଏ ପରିବାରର ୪ ଜଣ ମହିଳାଙ୍କ ସମେତ ୬ ଜଣଙ୍କର ଘଟଣାସ୍ଥଳରେ ମୃତ୍ୟୁ ଘଟିଛି। ଆହତମାନଙ୍କ ମଧ୍ୟରୁ ଜଣଙ୍କର ଏସଆରଏନ୍ ଡାକ୍ତରଖାନାରେ ଚିକିତ୍ସା ସମୟରେ ମୃତ୍ୟୁ ଘଟିଛି। ହାଣ୍ଡିଆ ଟୋଲ ପ୍ଲାଜା ନିକଟରେ ସକାଳ ପ୍ରାୟ ୬.୪୦ ସମୟରେ ଏହି ଦୁର୍ଘଟଣା ଘଟିଛି।