ଭୁବନେଶ୍ୱର,୨୪।୯(ବ୍ୟୁରୋ): ନିଶା ସେବନ କରି ପରିବାର ଲୋକଙ୍କୁ ଗାଳି ଦେବା ସହ ସ୍ତ୍ରୀଙ୍କୁ ମାଡ଼ ମାରୁଥିଲେ। ବାମମ୍ବାର କ୍ଷମା ମାଗି ମଧ୍ୟ ପୁନର୍ବାର ସେହି କାମ କରୁଥିଲେ। ପୁଅ ନିର୍ଯାତନାରେ ଅତିଷ୍ଠ ହୋଇଯାଇଥିଲେ ମା’। ଅଭିଯୋଗକ୍ରମେ ମଞ୍ଚେଶ୍ୱର ଥାନା ପୋଲିସ ଅଭିଯୁକ୍ତ ପୁଅଙ୍କୁ ଗିରଫ କରି ଶୁକ୍ରବାର କୋର୍ଟ ଚାଲାଣ କରିଛି। ଗିରଫ ଅଭିଯୁକ୍ତ ହେଲେ ସ୍ଥାନୀୟ ଥାନା ରଙ୍ଗମାଟିଆ ଗ୍ରାମର ଅସିତ୍ ସାମଲ(୩୯)।
ସୂଚନା ଅନୁଯାୟୀ, ଅସିତ ପ୍ରାୟ ସମୟରେ ମଦ୍ୟପାନ କରି ପରିବାର ଲୋକଙ୍କୁ ଖରାପ ଭାଷାରେ ଗାଳିଗୁଲଜ କରୁଥିଲେ। ମଦ କିଣିବା ପାଇଁ ଟଙ୍କା ମାଗି ପରିବାର ଲୋକଙ୍କ ସହ ଝଗଡା କରୁଥିଲେ। ତେବେ ଗୁରୁବାର ଅସିତ ଅତ୍ୟଧିକ ମଦ୍ୟପାନ କରି ତାଙ୍କ ସ୍ତ୍ରୀଙ୍କୁ ମାଡ ମାରିବା ସହ ନିଜ ୬ମାସର କଅଁଳ ଝିଅକୁ ତଳେ କଚାଡି ମାରିଦେବାକୁ ଉଦ୍ୟମ କରିଥିଲେ। ଏପିରିକ ଏକ କତୁରୀ ଧରି ସମସ୍ତଙ୍କୁ ଜୀବନରୁ ମାରିଦେବାକୁ ଗୋଡାଇଥିଲେ। ଏନେଇ ତାଙ୍କ ମା’ କଳ୍ପନା ଅଭିଯୋଗ କରିବା ପରେ ପୋଲିସ ଆଇପିସି ଦଫା ୪୯୮ଏ, ୩୪୧, ୩୨୩, ୩୦୭, ୨୯୪, ୫୦୬ରେ ଏକ ମାମଲା( ନଂ.୨୯୨/୨୧) ରୁଜୁ କରି ତଦନ୍ତ ଆରମ୍ଭ କରିଥିଲା।
