ଗାନ୍ଧୀନଗର, ୨୦ା୭: ଅହମଦାବାଦ କ୍ରାଇମ୍ ବ୍ରାଞ୍ଚ ମଙ୍ଗଳବାର ଫିଲ୍ମ ନିର୍ମାତା ଅବିନାଶ ଦାଶଙ୍କୁ ଗିରଫ କରିଛି। ସ୍ବରାଷ୍ଟ୍ରମନ୍ତ୍ରୀ ଅମିତ ଶାହାଙ୍କ ସହ ଆଇଏଏସ୍ ଅଫିସର ପୂଜା ସିଂଘଲଙ୍କ ଫଟୋ ସୋସିଆଲ ମିଡିଆରେ ଶେୟାର କରିବା ପରେ ଅବିନାଶଙ୍କୁ ଗିରଫ କରାଯାଇଛି। ମନିଲଣ୍ଡରିଂ ମାମଲାରେ ପୂଜାଙ୍କୁ ଗିରଫ କରାଯିବା ପୂର୍ବର ଏହି ଫଟୋ ବୋଲି ଅବିିନାଶ କ୍ୟାପ୍ସନ୍ରେ ଲେଖିଥିଲେ। ଅଭିଯୋଗ ଅନୁସାରେ ସିଂଘଲଙ୍କ ସହ ଶାହାଙ୍କ ଉକ୍ତ ଫଟୋ ୨୦୧୭ର ବୋଲି କ୍ରାଇମବ୍ରାଞ୍ଚ ପକ୍ଷରୁ କୁହାଯାଇଛି। ତାଙ୍କ ଫେସ୍ବୁକ୍ ଆକାଉଣ୍ଟରେ ଜଣେ ମହିଳା ଜାତୀୟ ପତାକା ପିନ୍ଧିଥିବାର ଫଟୋ ଶେୟାର କରି ସେ ରାଷ୍ଟ୍ରୀୟ ସମ୍ମାନକୁ ଅପମାନିତ କରିଥିବା ନେଇ ମଧ୍ୟ ମାମଲା ରୁଜୁ ହୋଇଛି।