ଭୁବନେଶ୍ୱର,୨୦ା୪: ସାଧାରଣ ନିର୍ବାଚନ ଯେତିକି ପାଖେଇ ଆସୁଛି ସମସ୍ତଙ୍କ ମଧ୍ୟରେ ଉତ୍ସାହ ସେତିକି ବଢ଼ି ଚାଲିଛି। ବିଶେଷକରି ଭୋଟରଙ୍କ ନଜର ତିନି ପ୍ରମୁଖ ଦଳ ଯଥା ବିଜେଡି,ଭାଜପା ଏବଂ କଂଗ୍ରେସ ଉପରେ ରହିଛି। ତେବେ ବର୍ତ୍ତମାନ ସୁଦ୍ଧା ଏହି ପ୍ରମୁଖ ଦଳ ସବୁ ପ୍ରାର୍ଥୀଙ୍କ ନାମ ଘୋଷଣା କରିନାହାନ୍ତି। ଆଉ କିଛି ଆସନରେ ପ୍ରାର୍ଥୀ ଚୟନ ହୋଇନାହିଁ। ଶନିବାର ବିଜେଡିର ତା’ର ଆଉ ୯ ପ୍ରାର୍ଥୀଙ୍କର ନାଁ ଘୋଷଣା କରିଥିବା ବେଳେ ବର୍ତ୍ତମାନ ୧୨୬ ଜଣଙ୍କ ନାଁ ଘୋଷଣା କରିଛି। ତେବେ ଏହି ତାଲିକା ୧୩୫କୁ ବୃଦ୍ଧି ପାଇଛି। ସେହିପରି କଂଗ୍ରେସ ବର୍ତ୍ତମାନ ସୁଦ୍ଧା ୧୨୮ଜଣ ପ୍ରାର୍ଥୀଙ୍କ ନାମ ଘୋଷଣା କରିଥିବା ବେଳେ ଭାଜପା ବର୍ତ୍ତମାନ ସୁଦ୍ଧା ୧୩୧ ପ୍ରାର୍ଥୀଙ୍କ ନାମ ଘୋଷଣା କରିଛି। ବିଜେଡିର ଆଉ ୧୨ ଆସନରେ ପ୍ରାର୍ଥୀ ଦେବାକୁ ବାକି ଥିବାବେଳେ ଭାଜପା ୧୬ଟି ଏବଂ କଂଗ୍ରେସ ୩୧ ଆସନରେ ପ୍ରାର୍ଥୀ ଦେବା ପାଇଁ ବାକି ରଖିଛି। ତେବେ ଦେଖାଯାଉ ଏହି ୩ ପ୍ରମୁଖ ଦଳ କେବେ ତାଙ୍କର ସମ୍ପୂର୍ଣ୍ଣ ପ୍ରାର୍ଥୀ ତାଲିକା ଘୋଷଣା କରୁଛନ୍ତି।