ଶ୍ରୀନଗର,୧୬।୩: ପିଡିପି ସଭାପତି ତଥା ଜମ୍ମୁ କଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ମେହବୁବା ମୁଫତି ପୁଞ୍ଚର ଏକ ଶିବ ମନ୍ଦିର ଦର୍ଶନ କରିଛନ୍ତି। ସେ ଶିବଲିଙ୍ଗ ଉପରେ ଜଲାଭିଶେକ କରିଛନ୍ତି। ଏହାର ଭିଡିଓ ଭାଇରାଲ ହୋଇଛି। ସର୍ବଦା ପାକିସ୍ତାନ ସହ ଆଲୋଚନା ତଥା ଆତଙ୍କବାଦୀଙ୍କ ସପକ୍ଷରେ ମତ ଦେଉଥିବା ମେହବୁବା ମୁଫତିଙ୍କ ଏହି ଭିଡିଓକୁ ନେଇ ଲୋକମାନେ ମିଶ୍ରିତ ପ୍ରତିକ୍ରିୟା ଦେଇଛନ୍ତି।
କିଛି ଲୋକ ଏହାକୁ ଏକ ରାଜନୈତିକ ଷ୍ଟଣ୍ଟ ବୋଲି କହିଥିବାବେଳେ କିଛି ଲୋକ କହିଛନ୍ତି ମେହବୁବା ମୁଫତି କେବଳ ତାଙ୍କ ଭାଷଣରେ ହିନ୍ଦୁ-ମୁସଲମାନ ବିଷୟରେ କଥାବାର୍ତ୍ତା କରନ୍ତି, ଯାହା କେବଳ ଜନସାଧାରଣଙ୍କ ମଧ୍ୟରେ ଧାର୍ମିକ ପାର୍ଥକ୍ୟ ସୃଷ୍ଟି କରିଥାଏ।
ସୂଚନାନୁସାରେ, ପୁଞ୍ଚ ଭ୍ରମଣରୁ ଫେରିବା ପୂର୍ବରୁ କାହାକୁ ନ ଜଣାଇ ପିଡିପି ମୁଖ୍ୟ ଭାରତ-ପାକିସ୍ତାନ ନିୟନ୍ତ୍ରଣ ରେଖା ନିକଟରେ ଥିବା ଡେରିଆ ଗ୍ରାମରେ ପୂର୍ବତନ ପିଡିପି ଏମଏଲସି ଯଶପାଲ ଶର୍ମାଙ୍କ ଦ୍ୱାରା ନିର୍ମିତ ଭବ୍ୟ ନବଗ୍ରହ ମନ୍ଦିର ଦେଖିବାକୁ ପହଞ୍ଚିଥିଲେ। ମନ୍ଦିର କମିଟିର ମୁଖ୍ୟ ଯଶପାଲ ଶର୍ମାଙ୍କ ସାନପୁଅ ଉଦେଶ ପାଲ ଏବଂ ତାଙ୍କ ସାଥୀମାନେ ମୁଫ୍ତିଙ୍କୁ ସ୍ବାଗତ କରି ମନ୍ଦିର ଭିତରକୁ ନେଇଥିଲେ।
ଏହି ସମୟରେ ମେହବୁବା ମୁଫତି ନିଜେ ଜଳ ନେଇ ଶିବଲିଙ୍ଗ ଉପରେ ଜଲାଭିଶେକ କରିଥିଲେ। ସେଠାରେ ଉପସ୍ଥିତ ଜଣେ ଯୁବକ ମେହବୁବା ମୁଫତିଙ୍କ ନବଗ୍ରହ ମନ୍ଦିର ଗସ୍ତର ଏକ ଭିଡିଓ ପ୍ରସ୍ତୁତ କରିଥିଲେ। ଭିଡିଓଟି ବର୍ତ୍ତମାନ ଭାଇରାଲ ହେଉଛି।