କେନ୍ଦୁଝର,୩ା୧୦(ସ୍ବ.ପ୍ର.): ଯୋଡ଼ା ଗଣବଳାତ୍କାର ମାମଲାରେ ପୀଡ଼ିତାଙ୍କ ପରିବାରଙ୍କୁ କ୍ଷତିପୂରଣ ପ୍ରଦାନ ନେଇ ଜାତୀୟ ମାନବାଧିକାର କମିଶନ କେନ୍ଦୁଝର ଏସ୍ପିଙ୍କୁ ଚିଠି କରି ଅତିରିକ୍ତ ସୂଚନା ମାଗିଛନ୍ତି ା ଏହି ଗଣବଳାତ୍କାର ମାମଲାକୁ ନେଇ କମିଶନ କେସ୍ ନମ୍ବର ୨୫୬୧/୧୮-୭-୨୦୧୯ରେ କେସ ରୁଜୁ କରିଥିଲେ। କମିଶନଙ୍କ ପକ୍ଷରୁ ଏନେଇ ୧୩ ଅଗଷ୍ଟ ୨୦୧୯ରେ ଦେଇଥିବା ନିର୍ଦ୍ଦେଶକୁ ଭିତ୍ତି କରି ଏସ୍ପି କେନ୍ଦୁଝର ୪ ଡିସେମ୍ବରରେ ରିପୋର୍ଟ ଦାଖଲ କରି ସମସ୍ତ ଅଭିଯୁକ୍ତଙ୍କୁ ଗିରଫ କରିବା ସେମାନଙ୍କ ବିରୋଧରେ ଦାଖଲ ହୋଇଥିବା ଚାର୍ଜଶିଟ୍ ନେଇ ଅବଗତ କରିଥିଲେ। ସେହିପରି ଜିଲା ମଙ୍ଗଳ ଅଧିକାରୀ ଏହାକୁ ନେଇ ଏସ୍ସି/ଏସ୍ଟି ବିଭାଗର ନିର୍ଦ୍ଦେଶକଙ୍କୁ ଚିଠି କରି ୪.୧୨ଲକ୍ଷ ଟଙ୍କା ଆର୍ଥିକ ସହାୟତା ପ୍ରଦାନ କରିବାକୁ ଚିଠି କରିଥିବା ଦର୍ଶାଇଥିଲେ ା ତେବେ ପୋଲିସ ଓ ଏକ୍ଜିକ୍ୟୁଟିଭ୍ ମାଜିଷ୍ଟ୍ରେଟଙ୍କ ଯୁଗ୍ମ ତଦନ୍ତ ବେଳେ ରୁଲ୍ ଅନୁଯାୟୀ ୮.୨୫ ଲକ୍ଷ ଦେବାକୁ ପରାମର୍ଶ ଦେଇଥିଲେ ା ତେବେ ପୀଡ଼ିତା ଅଦ୍ୟାବଧି କ୍ଷତିପୂରଣ ପାଇଛନ୍ତି କି ନାହିଁ ସେ ନେଇ କମିଶନ ସୂଚନା ପାଇ ନ ଥିବାରୁ ୬ ସପ୍ତାହ ମଧ୍ୟରେ ଏନେଇ ଏସ୍ପି ଅର୍ଥ ପୈଠର ପ୍ରମାଣ ସହ ସବିଶେଷ ରିପୋର୍ଟ ଦେବାକୁ କହିଥିବା ଏହି କେସ୍ ଫାଇଲ କରିଥିବା ମାନବାଧିକାର କର୍ମୀ ହିମାଂଶୁ ଶେଖର ନାୟକ କହିଛନ୍ତି।
